وبلىس ەكٸمٸ بەردٸبەك ساپارباەۆتىڭ تٶراعالىعىمەن ٶتكەن كەڭەستە جەر قويناۋىن پايدالانۋشىلاردىڭ كەلٸسٸمشارتتىق مٸندەتتەمەلەردٸ ورىنداۋ جايى قارالدى, دەپ حابارلايدى "ۇلت اقپارات".
اعىمداعى جىلدىڭ 1 ناۋرىزىنداعى جاعدايعا سەيكەس, وبلىستا 319 جەر قويناۋىن پايدالانۋ نىسانى تٸركەلگەن. ونىڭ ٸشٸندە بارلاۋ جەنە ٶندٸرۋگە ارنالىپ 200 كەلٸسٸمشارت جاسالعان دەسەك, 109 ليتسەنزييا جەنە جول قۇرىلىسىن سالۋعا ارنالعان 9 جەڭٸلدەتٸلگەن رۇقسات بەرٸلگەن.
ٸرٸ جەر قويناۋىن پايدالانۋشىلار قاتارىندا «ەۋروحيم ۋدوبرەنييا», «مونتەررو قازاقستان», «قازاقسودا», «جامبىلگيپس» جەنە تاعى دا باسقا كومپانييالار بار.
وبلىستىق تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ باسشىسى اسلان ورازبەكوۆ ٶتكەن جىل بويىنشا ەزٸرگە ناقتى قورىتىندى اقپارات جوق ەكەنٸن, سوندىقتان 2019 جىلعى مەلٸمەتتەردٸ نەگٸزگە الۋىنا تۋرا كەلەتٸنٸن تٸلگە تيەك ەتتٸ. ونىڭ ايتۋىنشا, 2019 جىلى ينۆەستيتسييالاردىڭ جالپى كٶلەمٸ 63,2 ميلليارد تەڭگەنٸ, ال سالىق تٷسٸمدەرٸ 9,8 ميلليارد تەڭگەنٸ قۇراپ, مامانداردى وقىتۋ جەنە قايتا دايارلاۋعا 207 ميلليون تەڭگە باعىتتالعان.
اتالعان باسقارمامەن انىقتالعان بۇزۋشىلىقتاردى جويۋ تۋرالى تيٸستٸ ورىنعا 59 حابارلاما جولدانعان دەسەك, 11 شارت بۇزىلىپ, ونىڭ 10-ىندا كەنٸشتەردٸ قالپىنا كەلتٸرۋ جۇمىستارى ورىندالعان. وبلىس اۋماعىندا تاعى 17 كەسٸپورىن تٸركەلٸپ, جەرگٸلٸكتٸ بيۋدجەتكە سالىق تٶلەمدەرٸن اۋدارا باستادى.
«ٶڭٸردٸڭ ەكونوميكاسى مەن ونىڭ تۇرعىندارىنىڭ ەل-اۋقاتى جەر قويناۋىن ساپالى پايدالانۋعا دا بايلانىستى. نەگٸزگٸ مەسەلە – جەر قويناۋىن پايدالانۋشىلاردىڭ كەلٸسٸمشارتتىق مٸندەتتەمەلەرٸن ورىنداۋى. بۇعان كومپانييالاردىڭ قىزمەت ەتەتٸن ورنى بويىنشا تٸركەلۋٸ, ينۆەستيتسييالار سالۋ, جەرگٸلٸكتٸ كادرلاردى دايارلاۋ جەنە ەلەۋمەتتٸك تٶلەمدەر جاتادى. بٷگٸندە اتالعان شارتتاردىڭ ورىندالۋىنا قاتىستى باقىلاۋ ەلسٸز جٷرگٸزٸلۋدە», - دەپ اتاپ ٶتتٸ بەردٸبەك ساپارباەۆ.
ەكولوگييا دەپارتامەنتٸنٸڭ باسشىسى مارات قۇرمانباەۆ مىسال رەتٸندە جامبىل اۋدانىنىڭ جەر قويناۋىن پايدالانۋشىلاردىڭ بەلگٸلەنگەن كەلٸسٸمشارتتىق ايماقتىڭ شەكاراسىن بۇزۋ جەنە اۋىل شارۋاشىلىعى جەرلەرٸندە ٶز بەتٸنشە پايدالى قازبالاردى ٶندٸرۋگە قاتىستى تٷرلٸ فاكتٸلەردٸ العا تارتتى.
بۇدان سوڭ وبلىس ەكٸمٸ بەينەبايلانىس ارقىلى كەيبٸر ٸرٸ كەسٸپورىنداردىڭ جاي-كٷيٸنە نازار اۋداردى. ايتالىق, «مونتەررا قازاقستان» التىن ٶندٸرۋشٸ كومپانيياسى ينۆەستيتسييالار كٶلەمٸن 832 ميلليارد تەڭگەگە دەيٸن ۇلعايتپاق, ول جاقىن ارادا جەر بارلاۋ جۇمىستارىن باستاۋعا نيەتتٸ. بەردٸبەك ساپارباەۆ تاۋ-كەن بايىتۋ كومبيناتىنىڭ قۇرىلىسىن جەدەلدەتٸپ, التىن كەندەرٸن يگەرە باستاۋعا شاقىردى. جەرگٸلٸكتٸ بيلٸكتٸڭ كٶمەگٸمەن «قازسودا» جشس قاجەتتٸلٸگٸ ٷشٸن جەر بٶلۋ مەسەلەسٸ دە ٶز شەشٸمٸن تاپتى.
«بٸزدٸڭ جەرٸمٸزدٸڭ قويناۋى حالىقتىڭ يگٸلٸگٸنە قىزمەت ەتۋٸ تيٸس. سٸزدەر بيزنەستٸڭ ەلەۋمەتتٸك باعىتىن ۇمىتپاۋ كەرەكسٸزدەر. بارلىق كەلٸسٸمشارتتىق مٸندەتتەمەلەر ساقتالۋى قاجەت. ەكٸمدەر مەن تيٸستٸ قۇرىلىمدار تاراپىنان قاتاڭ باقىلاۋ ورناتۋ كەرەك. گەولوگييالىق بارلاۋ جۇمىستارىنىڭ اۋقىمىن كەڭەيتۋ قاجەتتٸلٸگٸ تۋىنداۋدا. قۇقىق قورعاۋ ورگاندارىنا جەر قويناۋىن زاڭسىز پايدالانۋعا باقىلاۋدى كٷشەيتۋ بويىنشا تاپسىرما بەرٸلدٸ. ەسٸرەسە, مويىنقۇم اۋدانىندا ٶز بەتتەرٸنشە تەحنيكالارمەن جۇمىس ٸستەيتٸندەر از ەمەس, ال اۋدان ەكٸمٸ ولاردان مٷلدە حابارسىز. بٷگٸنگٸدەي پاندەمييا مەن ەكونوميكالىق قيىندىقتار كەزەڭٸندە جۇمىسشىلار جالاقىنى ۋاقىتىلى جەنە تولىق كٶلەمدە الۋى تيٸس. جالاقىنىڭ جىل سايىنعى ٶسٸمٸ كەم دەگەندە 10-15 پايىزدى قۇراپ وتىرۋى كەرەك», - دەپ تٷيٸندەدٸ بەردٸبەك ساپارباەۆ.
