قوعام بەلسەندٸسٸ مۇحتار تايجان مەجٸلٸستە «قر كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋ ەنگٸزۋ تۋرالى» زاڭ جوباسىنا ٶز ۇسىنىمدارىن ايتتى, دەپ حابارلايدى قازاقپارات.
«بٸز پرەزيدەنتتٸڭ اۋىل شارۋاشىلىعى جەرلەرٸن شەتەلدٸكتەرگە ساتۋعا جەنە جالعا بەرۋگە تىيىم سالۋ تۋرالى تاپسىرماسىن ورىنداۋىمىز كەرەك. ول ٷشٸن مەن زاڭدا بىلاي جازۋدى ۇسىنامىن: جەر قر رەزيدەنتتەرٸنە, ياعني جەكە تۇلعالار مەن زاڭدى تۇلعالارعا بەرٸلەدٸ. قۇرىلتايشىلار مەن قاتىسۋشىلار قۇرامىندا دا جەكە تۇلعالار قر ازاماتتارى بولۋى كەرەك. بۇل ۇسىنىستى ايتقان سەبەبٸم, كەز كەلگەن نوتاريۋس قانداي دا بٸر جشس قۇرامىنداعى جەكە تۇلعالاردىڭ قر ازاماتتارى ەكەنٸن كٶرگەندە, مەمٸلەلەردٸ رەسٸمدەۋ وڭاي بولادى. ال جشس مەن زاڭدى تۇلعالاردى تەكسەرۋ مٷمكٸن ەمەس, ولاردىڭ قۇرامىنداعى شەتەلدٸكتەردٸڭ ٷلەسٸ بار ما, جوق پا?», - دەدٸ م. تايجان مەجٸلٸستە زاڭ جوباسى جۇمىس توبىنىڭ وتىرىسىندا.
ونىڭ ايتۋىنشا, شەتەلدٸكتەرگە, شەتەلدٸك زاڭدى تۇلعالارعا جەردٸ ساتۋعا جەنە جالعا بەرۋگە تىيىم سالۋ ٷشٸن جەر كاداسترىن اشۋ قاجەت.
«جەر كاداسترىن اشپاساق, بۇل ماقساتقا قول جەتكٸزە المايمىز. ياعني, مەملەكەت مەنشٸگٸ بولىپ سانالاتىن اۋىل شارۋاشىلىعى جەرلەرٸن كٸم جالداپ وتىرعانىن كٶرۋٸمٸز كەرەك. بۇل اقپاراتتار اشىق بولۋعا تيٸس جەنە «جەكە دەرەكتەر تۋرالى» زاڭ ەش بۇزىلمايدى, سەبەبٸ اۋىل شارۋاشىلىعى جەرلەرٸنٸڭ 99 پايىزدان استامى – مەملەكەت مەنشٸگٸ. جالعا الۋشىلاردىڭ اتى نەمەسە زاڭدى تۇلعالار اتاۋى اشىق بولا الادى», - دەدٸ م. تايجان.
سونىمەن بٸرگە, سپيكەر قازاقستان ازاماتتىعىن الۋ تالاپتارىن كٷشەيتۋدٸ ۇسىندى.
«ەلەمدٸك تەجٸريبەگە سٷيەنەتٸن بولساق, قانداي دا بٸر ەلدٸڭ ازاماتتىعىن الۋ ٷشٸن ادامدار ەڭ كەمٸ 5 جىل تۇرۋى كەرەك, سول ەلدٸڭ تٸلٸ مەن تاريحى بويىنشا سىناق تاپسىرۋى كەرەك. ياعني, وسى ەلگە نيەتتەستٸگٸن بٸلدٸرۋٸ كەرەك جەنە ەل ٸشٸندە زاڭبۇزۋشىلىقتار جاساماۋى كەرەك», - دەدٸ مۇحتار تايجان.
