جەر استىنا تٷسٸپ كەتكەن جٷك كٶلٸگٸ مەدەۋ اۋدانىنىڭ تۇرعىندارىن جىلۋسىز قالدىردى, دەپ حابارلايدى "ۇلت اقپارات".
الدىن الا مەلٸمەت بويىنشا, ساعات 13.00 شاماسىندا قۇم-قيىرشىقتاس قوسپاسى تيەلگەن سالماعى 27 توننا كاماز پەتەرلەردٸڭ جىلۋ كامەراسى ورنالاسقان اۋماققا كٸرگەن.
جٷك تيەلگەن كٶلٸك سالماعىنا ەسەپتەلمەگەن بەتكٸ قاباتتاعى تٶسەمە شىداس بەرمەي, وپىرىلىپ تٷستٸ. سالدارىنان بٸرنەشە تۇرعىن ٷي جىلۋسىز قالدى.
«ديامەترٸ 500 مم قۇبىرعا زاقىم كەلۋٸنە بايلانىستى 336 كٶپقاباتتى تۇرعىن ٷيدٸ, 86 جەكە تۇرعىن ٷيدٸ, 9 دەنساۋلىق ساقتاۋ نىسانىن, 10 بالاباقشا مەن 6 بٸلٸم نىسانىن جىلۋ جەلٸسٸنەن ۋاقىتشا اجىراتۋعا تۋرا كەلدٸ» دەپ حابارلادى «الماتى جىلۋ جەلٸلەرٸ» جشس.
«الماتى جىلۋ جەلٸلەرٸ» جشس جٶندەۋ بريگادالارى جٷرگٸزٸپ جاتقان اپاتتى قالپىنا كەلتٸرۋ جۇمىسىنا 18 مامان مەن مامانداندىرىلعان 4 تەحنيكا جۇمىلدىرىلدى.
جىلۋ مەن ىستىق سۋ بٷگٸن ساعات 23.00-گە دەيٸن قايتا قوسىلادى.
قازٸرگٸ ۋاقىتتا الماتى قالاسى مەدەۋ اۋدانىنىڭ اۋماعىنداعى قازىباەۆ-نازارباەۆ-دوستىق-تايمانوۆ كٶشەلەرٸنٸڭ اۋماعىندا ورنالاسقان تۇرعىن ٷيلەر مەن باسقا عيماراتتار ۋاقىتشا ىستىق سۋ مەن جىلۋدان اجىراتىلدى.
«ينجەنەرلەر جىلۋ ماگيسترالٸ سەگمەنتٸنٸڭ زاقىمدانۋى باسقا تۇتىنۋشىلارعا جەتكٸزٸلەتٸن جىلۋ ەنەرگيياسىنىڭ پارامەترلەرٸنە جەنە بەلگٸلەنگەن سەكتوردا ورنالاسقان عيماراتتارداعى تەمپەراتۋرا رەجيمٸنە ەسەر ەتپەيدٸ» دەلٸنگەن حابارلامادا.
