بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتاتتار ەكٸنشٸ دٷنيەجٷزٸلٸك سوعىسىنىڭ ارداگەرلەرٸنە جەڭٸس كٷنٸ قارساڭىندا بەرٸلەتٸن بٸرجولعى اقشالاي كٶمەكتٸ بٸركەلكٸ مٶلشەردە بٶلۋدٸ ۇسىندى, دەپ حابارلايدى قازاقپارات.
«جەرگٸلٸكتٸ اتقارۋشى ورگاندار جىل سايىن جەڭٸس كٷنٸ قارساڭىندا ەكٸنشٸ دٷنيەجٷزٸلٸك سوعىس ارداگەرلەرٸنە, ولارعا تەڭٸستٸرٸلگەن ادامدارعا جەنە تىل ەڭبەككەرلەرٸنە بٸرجولعى اقشالاي كٶمەك كٶرسەتەدٸ. ارداگەرلەرمەن كەزدەسۋلەر بارىسىندا ولار ەر ٶڭٸردە تٶلەمدەر ەرتٷرلٸ ەكەنٸن ايتىپ وتىر. سەبەبٸ ونىڭ مٶلشەرٸن جەرگٸلٸكتٸ ورگاندار ايقىندايدى. بيىل جەڭٸس كٷنٸنە وراي بەرٸلەتٸن تٶلەمدەر قانداي مٶلشەردە بولادى? بٸزدٸڭ ويىمىزشا, مۇنداي تٶلەمدەردٸڭ بٸرىڭعاي مٶلشەرٸن ايقىنداۋ ورىندى», - دەدٸ دەپۋتات بالايىم كەسەباەۆا.
ٶز كەزەگٸندە قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ٷكٸمەتتە جەڭٸس كٷنٸنە بەرٸلەتٸن تٶلەمدەر قازاقستان بويىنشا بٸركەلكٸ بولعانىن نازارعا الىپ وتىرعانىن جەتكٸزدٸ.
«وسىعان قاتىستى ٷكٸمەتتٸڭ باسشىلىعىمەن تيٸستٸ ۇسىنىس ەكٸمدٸكتەرگە بەرٸلگەن. بۇل جەردە بٸز تٶمەنگٸ مٶلشەرٸن بەلگٸلەدٸك. ەكٸنشٸ دٷنيەجٷزٸلٸك سوعىستىڭ قاتىسۋشىلارىنا, مٷگەدەكتەرٸنە ەڭ تٶمەنگٸ سوما 300 مىڭ تەڭگەدەن كەم ەمەس... بٸراق ٶڭٸرلەردە ەگەر مٷمكٸندٸكتەرٸ بولسا, كەيبٸر وبلىستار ودان دا جوعارى بەرەمٸز دەپ جوسپارلاۋدا», - دەدٸ مينيستر.
پارلامەنت مەجٸلٸسٸنٸڭ تٶراعاسى نۇرلان نىعماتۋليننٸڭ اتاپ ٶتۋٸنشە, اتالعان تٶلەمدەردٸڭ بٸرىڭعاي مٶلشەرٸ بولعانى دۇرىس.
«ەرينە, تٶلەم سوماسى از بولماۋى كەرەك. جەڭٸسكە 75 جىل تولىپ وتىر. سوندىقتان دەپۋتات ايتقانداي, مۇنداي تٶلەمدەردٸڭ بٸرىڭعاي مٶلشەرٸن ايقىنداۋ كەرەك. وسىنى ٷكٸمەتتٸڭ ۇسىنىسى بويىنشا قاراپ شىعىڭىز, الدا ۋاقىت بار», - دەدٸ ن. نىعماتۋلين ەڭبەك مينيسترٸنە قاراتا ايتقان سٶزٸندە.
