كٶلٸك الۋعا جەڭٸلدەتٸلگەن پايىزبەن نەسيە بەرۋ باعدارلاماسى اياسىندا بانكتەر 75 ملرد تەڭگە سوماسىنداعى ٶتٸنٸمدەردٸ ماقۇلدادى. بۇل تۋرالى يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات.
مەجٸلٸستەگٸ پارلامەنتتٸك تىڭداۋدان كەيٸن تٸلشٸلەر مينيستردەن اتالعان باعدارلاما بويىنشا نەسيە بٶلۋ نە سەبەپتٸ تەجەلٸپ قالعانىن سۇرادى.
«باعدارلاما توقتاپ تۇرعان جوق. جالپى 100 ملرد تەڭگە بٶلٸنٸپ, سونىڭ 75 ملرد تەڭگەسٸنە ٶتٸنٸمدەر ماقۇلداندى. ەندٸ تاعى 25 ملرد تەڭگەسٸ قالدى. باستاپقى كٷندەردەگٸ قارقىنمەن بٸردەن 20-30 مىڭ ٶتٸنٸمدٸ قابىلداي المايدى. ٶيتكەنٸ باعدارلاما اياسىندا تەك 25 ملرد تەڭگە قالدى. وسى ورايدا ەرتەڭ تۇرعىندار «نەگە ٶتٸنٸمدەردٸ قابىلدامادىڭدار» دەپ نارازىلىقتارىن ايتۋى مٷمكٸن», - دەدٸ ق.ٶسكەنباەۆ.
سونىمەن قاتار مينيسترگە باعدارلاماعا بويىنشا اۆتوكٶلٸك قانشالىقتى جەتكٸلٸكتٸ بولاتىنى تۋرالى سۇراق قويىلدى.
«100 ملرد تەڭگەگە نەسيەگە شامامەن بٸردەن 15-16 مىڭ اۆتوكٶلٸك الۋعا بولادى. قازٸرگٸ كەزدە 10 مىڭ كٶلٸككە ەسەپتەلگەن ٶتٸنٸمدٸ بانكتەر ماقۇلدادى», - دەدٸ مينيستر.
بۇدان بۇرىن حابارلانعانداي, ٶسكەنباەۆ اتالعان باعدارلاما اياسىنداعى جۇمىستار بٸر جىلمەن شەكتەلمەيتٸنٸن اتاپ ٶتتٸ. وسى باعدارلامانى جٷزەگە اسىرۋ باراسىندا قاراجات رەۆولۆەرلٸك تەتٸك ارقىلى بٶلٸندٸ.
وسى ۋاقىتقا دەيٸن كٶلٸك العان ادامدار نەسيەسٸن تٶلەي باستاعاننان كەيٸن, بۇل قاراجات تاعى دا اينالىمعا تٷسەدٸ.
