قىزىلوردادا "Daewoo Nexia" اۆتوكٶلٸگٸ سىرداريياعا تٷسٸپ كەتتٸ. جٷرگٸزۋشٸنٸڭ جانىندا تاعى بٸر ادام بولعان, دەپ حابارلادى Sputnik قازاقستان تٸلشٸسٸ.
وقيعا قىزىلوردا قالاسىندا بولدى. وبلىستىق تٶتەنشە جاعدايلار دەپارتامەنتٸنە تٷنگٸ ساعات 03:54 شاماسىندا "Daewoo Nexia" اۆتوكٶلٸگٸ سىرداريياعا تٷسٸپ كەتكەنٸ تۋرالى حابارلاما تٷسكەن.
قىزىلوردا وبلىسى تٶتەنشە جاعدايلار دەپارتامەنتٸنٸڭ ماماندارى كٶلٸكتە ەكٸ ادام بولعانىن, بٸرەۋٸ سۋدان جٷزٸپ شىققانىن جەتكٸزدٸ.
"كٶلٸكتٸڭ ٸشٸندە ەكٸ ادام بولعان. ونىڭ بٸرەۋٸ – 1994 جىلعى ازامات ٶز كٷشٸمەن جاعاعا شىققان. سول جاستاعى تاعى بٸر ازامات كٶلٸكتٸڭ ٸشٸندە قالىپ قويعان. وقيعا ورنىنا جەدەل-قۇتقارۋ جاساعىنان 1 تەحنيكا مەن 5 ادام باردى", – دەپ مەلٸم ەتتٸ تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ باسپاسٶز حاتشىسى ەلييا ەرەجەپوۆا.
تٶتەنشە جاعدايلار دەپارتامەنتٸنٸڭ قىزمەتكەرلەرٸ كٶلٸكتٸ سۋدان شىعارىپ, 1994 جىلى تۋعان جٷرگٸزۋشٸنٸڭ دەنەسٸن تۋىستارىنا تاپسىرعان.
