27 قىركٷيەك كٷنٸ كاتار استاناسى دوحادا جەڭٸل اتلەتيكادان ەلەم چەمپيوناتى باستالادى. دوداعا قازاقستان اتىنان سەگٸز سپورتشى قاتىسادى, دەپ حابارلايدى "ۇلت اقپارات" olympic.kz سايتىنا سٸلتەمە جاساپ.
دوحاداعى ەلەم بٸرٸنشٸلٸگٸنە ولگا رىپاكوۆا (ٷش قارعىپ سەكٸرۋ), ولگا سافرونوۆا (100, 200 مەتر, ەستافەتا), گەورگيي شەيكو (سپورتتىق جٷرٸس), سۆەتلانا گولەندوۆا (ەستافەتا), ەلينا ميحينا (ەستافەتا), ريما كاشافۋتدينوۆا (ەستافەتا), ميحايل ليتۆين (400 مەتر), يۆان يۆانوۆ (يادرو لاقتىرۋ) قاتىسادى.
«6 قىركٷيەككە دەيٸن ٶتكٸزٸلگەن جارىستاردان سوڭ سەگٸز سپورتشى ەلەم بٸرٸنشٸلٸگٸنە قاتىسۋ مٷمكٸندٸگٸنە يە بولدى. بيىلعى ماۋسىم جاقسى قارقىنمەن ٶتتٸ. بٸزدٸڭ سپورتشىلار ەلەم چەمپيوناتىن قابىلدايتىن ستاديوندا باق سىناپ كٶردٸ. ازييا بٸرٸنشٸلٸگٸ دوحادا ٶتكەن بولاتىن. بٷگٸندە كوماندا مٷشەلەرٸ وقۋ-جاتتىعۋ جيىندارىن ٶتكٸزۋ ٷشٸن انتاليياعا كەتتٸ (تٷركييا). جيىندى ٶتكٸزۋ ايماعى كليماتتىق جاعدايلارعا بايلانىستى ٶتە ماڭىزدى سانالادى. بٸرٸنشٸ كەزەڭدٸ بٸز ىستىقكٶلدە (قىرعىزستان) ٶتكٸزدٸك. تٷركييادا سينتەتيكالىق جابدىق ٷستٸندە دايىندالامىز. بٸزدٸڭ اتلەتتەرمەن بٸرگە گوللاندييالىق مامان حەنك كراايەنحوف جۇمىس ٸستەۋدە. ول ەكٸ ايدان بەرٸ سپورتشىلارىمىزعا كەڭەس بەرٸپ كەلەدٸ. وليمپيادا قارساڭىندا ٶتكەلٸ وتىرعان ەلەم چەمپيوناتىندا اتلەتتەرٸمٸز جاقسى نەتيجە كٶرسەتۋگە تىرىسۋ كەرەك», - دەيدٸ باس باپكەر ەرلان يبرايىم.
