2020 جىلدىڭ 1-توقسانىندا سىبايلاس جەمقورلىعى ٷشٸن 417 لاۋازىمدى تۇلعا جاۋاپقا تارتىلدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ ستراتەگييا جەنە جەدەل باسقارۋ دەپارتامەنتٸنٸڭ باسشىسى نۇرلان جاقسىمبەتوۆ ايتتى, دەپ حابارلايدى قازاقپارات.
«اگەنتتٸكتٸڭ شىعىندى قالپىنا كەلتٸرۋ جۇمىستارىن دا ەرەكشە اتاپ ٶتكەن ورىندى. 1-توقساننىڭ قورىتىندىسىندا بٸز انىقتالعان شىعىننىڭ 97 پايىزىن نەمەسە 21,7 ملرد تەڭگەنٸ ٶتەتتٸك. بۇل ٶتكەن جىلدىڭ كٶرسەتكٸشٸنەن 7 ەسە كٶپ», - دەدٸ نۇرلان جاقسىمبەتوۆ.
ونىڭ اتاپ ٶتۋٸنشە, جەمقورلىق ٷشٸن جازاعا تارتىلعان تۇلعالار سانى 9 پايىزعا ارتتى. ولاردىڭ ەربٸر تٶرتٸنشٸسٸ مەملەكەتتٸك ورگانداردىڭ جەنە كۆازيمەملەكەتتٸك ۇيىمداردىڭ بٸرٸنشٸ باسشىلارى بولىپ وتىر.
«تولىقتاي العاندا, قىلمىستىق جاۋاپكەرشٸلٸككە 417 تۇلعا, ونىڭ ٸشٸندە رەسپۋبليكالىق دەڭگەيدەگٸ - 11, وبلىستىق دەڭگەيدەگٸ -37, قالالىق جەنە اۋداندىق دەڭگەيدەگٸ 35 باسشى تارتىلدى», - دەدٸ دەپارتامەنت باسشىسى.
نۇرلان جاقسىمبەتوۆتٸڭ دەرەگٸنشە, ورتالىق مەملەكەتتٸك ورگاندار اراسىندا جەمقورلىق قىلمىسى ٷشٸن جازاعا تارتىلعانداردىڭ 57 پايىزى - ٸشكٸ ٸستەر مينيسترلٸگٸنٸڭ قىزمەتكەرلەرٸ. مۇنان بٶلەك, ەكولوگييا, اۋىل شارۋاشىلىعى, قارجى, يندۋسترييا مينيسترلٸكتەرٸنٸڭ دە بٸرنەشە قىزمەتكەرٸ جەمقورلىق قىلمىسى ٷشٸن ۇستالعان. ال جەرگٸلٸكتٸ اتقارۋشى ورگاندار اراسىندا وسى جىلدىڭ 1-توقسانىندا شقو, جامبىل, قىزىلوردا, تٷركٸستان, قوستاناي جەنە پاۆلودار وبلىستارى ەكٸمدٸكتەرٸندە جەمقورلار كٶپ ۇستالعانى بەلگٸلٸ بولىپ وتىر.
