جەمقورلىق پەن ۇيىمداسقان قىلمىستى زەرتتەۋ ورتالىعى (OCCRP) رەسەيدە جۇمىسىن توقتاتتى. ۇيىم رەسمي سايتىندا رەسەي بيلٸگٸنٸڭ تەۋەلسٸز جۋرناليستيكاعا قارسى كامپانيياسى ٷدەگەن شاقتا جۋرناليستەردٸ قورعاۋ ٷشٸن وسىنداي قادامعا بارعانىن جازعان, دەپ حابارلايدى ازاتتىق.
"بۇل بۇدان ەرٸ قاراي ەلدەگٸ جەمقورلىقتى جازبايمىز دەگەندٸ بٸلدٸرمەيدٸ. ٷكٸمەت ٶز ازاماتتارىن بٸزبەن ەرٸپتەستٸك ورناتقانى ٷشٸن جازالايتىنىن جاقسى بٸلەمٸز" دەدٸ ۇيىمنىڭ نەگٸزٸن قالاۋشىلاردىڭ بٸرٸ, OCCRP باس رەداكتورى دريۋ سالليۆان.
ونىڭ ايتۋىنشا, قازٸر رەسەيدەگٸ ەرٸپتەستەرٸنٸڭ باسىم بٶلٸگٸ "شەتەل اگەنتٸ" نەمەسە "جۇمىسىن دوعارۋى تيٸس" ۇيىم رەتٸندە تانىلعان. ول OCCRP-دىڭ رەسەيدەگٸ قىزمەتكەرلەرٸنە ٶزگە ەلدەرگە كٶشۋگە كەڭەس بەرگەن. باس تارتقاندارعا قوسىمشا اقى تٶلەپ, جاڭا جۇمىس تابۋىنا كٶمەكتەسكەن.
جەمقورلىق پەن ۇيىمداسقان قىلمىستى زەرتتەۋ ورتالىعى (OCCRP) – ەلەمدە 50-دەن استام تەۋەلسٸز باق-تىڭ باسىن بٸرٸكتٸرگەن جەنە جىلىنا جٷزدەن استام زەرتتەۋ جارييالايتىن كوممەرتسييالىق ەمەس ۇيىم.
رەسەيدە قازٸر 25 جۋرناليست پەن 18 باق "شەتەل اگەنتٸ" رەتٸندە تانىلعان. كەيٸنگٸ جارتى جىلدا "شەتەل اگەنتٸ" رەتٸندە تانىلعان باق-تىڭ قاتارىنا "ۆاجنىە يستوريي", The Insider, VTimes.io, "مەدۋزا", "پەرۆوە انتيكوررۋپتسيوننوە سمي", "دوجد" تەلەارناسى ەنگەن.
