جەمقورلىق داۋىنا ٸلٸككەن مەدەنيەت جەنە سپورت مينيسترٸنٸڭ بۇرىنعى ورىنباسارى سەكەن مۇسايبەكوۆ مەملەكەتكە 62 ملن تەڭگەدەن استام ايىپپۇل تٶلەيتٸن بولدى, دەپ حابارلايدى "ۇلت اقپارات".
الماتىداعى تٷركسٸب اۋداندىق سوتى مەدەنيەت جەنە سپورت مينيسترٸنٸڭ بۇرىنعى ورىنباسارى سەكەن مۇسايبەكوۆكە قاتىستى ٷكٸم شىعاردى. سوت قورىتىندىسى بويىنشا بۇرىنعى ۆيتسە-مينيستر الاياقتىعى ٷشٸن كٸنەلٸ دەپ تانىلدى.
سەكەن مۇسايبەكوۆ قىلمىستىق كودەكستٸڭ 190-بابى 3-بٶلٸگٸنٸڭ 1-تارماعى بويىنشا ٸرٸ كٶلەمدە الاياقتىق جاسادى دەپ ايىپتالعان بولاتىن.
«سوت ونىڭ مەدەنيەت جەنە سپورت ۆيتسە-مينيسترٸ رەتٸندە 2021 جىلعى 18-21 اقپان ارالىعىندا اۋىر سىبايلاس جەمقورلىق قىلمىس جاساعانىن انىقتادى. مۇسايبەكوۆ پەن الماتى قالاسى پروكۋرورىنىڭ ورىنباسارى اراسىنداعى كٸنەنٸ مويىنداۋ تۋرالى پروتسەسسۋالدىق كەلٸسٸم بويىنشا پروكۋرور سوتتان مۇسايبەكوۆكە پارا سوماسىنىڭ ون ەسە مٶلشەرٸندە - 62 394 00 تەڭگە ايىپپۇل تٷرٸندە جازا تاعايىنداۋ تۋرالى ٶتٸنٸش جاسادى», - دەپ تٷسٸندٸردٸ تٷركسٸب اۋداندىق سوتى.
سوت ەكس-شەنەۋنٸكتٸ كٸنەلٸ دەپ تانىپ, پروكۋروردىڭ تالابىن قاناعاتتاندىردى.
«جازا تاعايىنداۋ كەزٸندە سوت كٸنەنٸ مويىنداۋ تۋرالى جاسالعان پروتسەسسۋالدىق كەلٸسٸم بويىنشا مۇسايبەكوۆكە ۇرلانعان مٷلٸكتٸڭ ون ەسەلەنگەن مٶلشەرٸندە ايىپپۇل سالۋ تٷرٸندەگٸ جازانى تاعايىنداۋ مٷمكٸن ەكەنٸ تۋرالى قورىتىندىعا كەلدٸ. سوت سەكەن مۇسايبەكوۆ جاساعان قىلمىستىق قۇقىق بۇزۋشىلىقتىڭ قوعامدىق قاۋٸپتٸلٸك دەرەجەسٸن, قىلمىستىق جاۋاپتىلىق پەن جازانى جەڭٸلدەتەتٸن مەن-جايلاردى, تاعايىندالعان جازانىڭ ونى تٷزەۋگە جەنە ونىڭ ٶمٸر سٷرۋ جەنە وتباسى جاعدايلارىنا ەسەرٸن نازارعا الدى. ٷكٸم زاڭدى كٷشٸنە ەندٸ», - دەلٸنگەن سوتتىڭ رەسمي مەلٸمەتٸندە.
ەسكە سالساق, اقپان ايىنىڭ اياعىندا مەدەنيەت جەنە سپورت ۆيتسە-مينيسترٸ بولعان سەكەن مۇسايبەكوۆ قىزمەتتٸك لاۋازىمىن پايدالانىپ, بۋكمەكەرلٸك سالانىڭ مٷددەسٸن قورعادى دەگەن كٷدٸككە ٸلٸنگەن بولاتىن.
