«Nur Otan» پارتيياسىنىڭ قولداۋىمەن ٶتەتٸن ايتىس «Qazaqstan» تەلەارناسىنان كٶرسەتٸلەدٸ, دەپ حابارلايدى "ۇلت اقپارات".
«Nur Otan» پارتيياسى, «Qazaqstan» رترك جەنە «ايتىس اقىندارى مەن جىرشى, تەرمەشٸلەردٸڭ حالىقارالىق وداعى» رەسپۋبليكالىق قوعامدىق بٸرلەستٸگٸ ٶزارا ىنتىماقتاستىق تۋرالى مەموراندۋمعا قول قويدى. ٷشجاقتى كەلٸسٸمگە سەيكەس, جىل سوڭىنا دەيٸن «Nur Otan» پارتيياسىنىڭ قولداۋىمەن ەلٸمٸزدٸڭ بٸرنەشە ايماعىندا ٶتەتٸن بارلىق ايتىستى «Qazaqstan» تەلەارناسىنا اقپاراتتىق سٷيەمەلدەۋگە, ياعني, سٶز الامانىن تٷسٸرۋگە جەنە ەفيرگە شىعارۋعا قۇقىق بەرەدٸ» دەپ جازدى پارتييانىڭ باسپاسٶز قىزمەتٸ.
پارتييا تٶراعاسىنىڭ بٸرٸنشٸ ورىنباسارى باۋىرجان بايبەك بۇعان دەيٸن ٶزٸنٸڭ Instagram پاراقشاسىندا «Nur Otan» پارتيياسىنىڭ دوكتريناسىندا قازاق تٸلٸن, مەدەنيەتٸ مەن سالت-دەستٷرٸن دامىتۋ قوعامدىق بٸرلەستٸكتٸڭ ستراتەگييالىق باسىم باعىتتارىنىڭ بٸرٸ ەكەنٸ تۋرالى ايتقان. وسى ورايدا, «Nur Otan» دارىندى شىعارماشىل جاستاردى قولداي وتىرىپ, تٶل ٶنەرٸمٸز بەن ۇلتتىق سپورت تٷرلەرٸنە ۇدايى قامقورلىق جاساپ كەلەدٸ.
«تەۋەلسٸزدٸكتٸڭ العاشقى سەتٸنەن-اق ەلباسى ۇلتىمىزدىڭ ۇلى مۇراسىن, وزىق دەستٷرلەرٸ مەن مەدەني قازىناسىن تٷگەندەۋگە, ولاردى زامانعا ساي تٷلەتٸپ, جاڭعىرتۋعا ەرەكشە دەن قويدى. حالىق ٶنەرٸنٸڭ ٶركەندەۋٸنە جاعداي جاساپ, دارىندى جاندارعا جول اشتى. ەلباسىنىڭ تٸكەلەي باستاماسىمەن ٸسكە اسىرىلعان «مەدەني مۇرا» جوباسىندا, «بولاشاققا باعدار: رۋحاني جاڭعىرۋ», «ۇلى دالانىڭ جەتٸ قىرى» باعدارلامالىق ماقالالارىندا دا ۇلتتىق رۋحاني مۇرامىزدى, قۇندى جەدٸگەرلەرٸمٸزدٸ, سپورتتىق ويىندارىمىز بەن ٶنەر سايىستارىن تٷگەندەپ, دامىتۋعا ەرەكشە مەن بەرٸلگەن. ەجەلدەن «باس كەسپەك بولسا دا, تٸل كەسپەك جوق» دەپ, حان الدىندا دات ايتىپ, ەركٸن ويعا ەرٸك بەرگەن, بارشاعا بٸردەي تەڭدٸك بەرگەن ەلمٸز. سوندىقتان ۇلتىمىزدىڭ وسىنداي وزىق ٶنەرٸن, ٸزگٸ دەستٷرلەرٸن جالعاستىرۋ بٸزدٸ كەمەلدەندٸرە تٷسەدٸ. وسىعان وراي, پارتييا تٶراعاسىنىڭ باستاماسىمەن قايتا جاڭعىرۋعا كٸرٸسٸپ, ەكٸنشٸ تىنىسى اشىلىپ وتىرعان ساياسي ۇيىمىمىز ايتىسقا ايرىقشا نازار اۋدارىپ وتىر» دەپ جازدى باۋىرجان بايبەك.
سونداي-اق, پارتييانىڭ باسپاسٶز قىزمەتٸ, ايتىس ٶتەتٸن ٶڭٸرلەردٸ جازدى.
12-13 قىركٷيەكتە اتىراۋ قالاسىندا فاريزا وڭعارسىنوۆانى ەسكە الۋعا ارنالعان «جىر جۇلدىزى – فاريزا» اتتى رەسپۋبليكالىق ايتىس ٶتەدٸ. ايتىس دەسە ارقاسى قوزاتىن كٶپشٸلٸك الدىندا بەلگٸلٸ ايتىسكەرلەر ٶنەر كٶرسەتەدٸ.
18-19 قىركٷيەكتە قاراعاندىدا سەكەن سەيفۋلليننٸڭ 125 جىلدىعىنا ارنالعان حالىقارالىق ايتىس بولادى. بۇل الامانعا جەرگٸلٸكتٸ ايتىسكەرلەردەن بٶلەك قىرعىزستان, قىتاي جەنە موڭعولييا ەلدەرٸنەن كەلگەن سۋىرىپ سالما سٶز مايتالماندارى قاتىسادى.
30 قىركٷيەكتە الماتىدا «وتان وتباسىنان باستالادى» اتتى وتباسىلىق ايتىس, ال 19 قازاندا نۇر-سۇلتان قالاسىندا «بەرەكە بٸرلٸگٸڭدە, ەلٸم» دەگەن اتپەن تاعى بٸر الامان ٶتپەك.
بيىل ٶتەتٸن جىر بەيگەلەرٸن ورال قالاسىندا 7-8 جەلتوقساندا ٶتەتٸن «التىن دومبىرا» رەسپۋبليكالىق فەستيۆالٸ تٷيٸندەيدٸ.
