جەلٸدە ان-28 ۇشاعىنىڭ قۇلاعان سەتٸ تٷسٸرٸلگەن دەلٸنگەن ۆيدەو پايدا بولدى, - دەپ حابارلايدى kaz.tengrinews.kz تٸلشٸسٸ.
بۇل كادرلار جٷك كٶلٸكتەرٸ اۆتوتۇراعىندا ورناتىلعان بەينەباقىلاۋ كامەراسىنا تٷسٸپ قالعان. ۆيدەوداعى مەرزٸم قايعىلى وقيعا بولعان كٷنگٸ ۋاقىتپەن سەيكەس كەلەدٸ - 3 قازان, 18.47. كٷن قاراۋىتقان سەت, كٶشە شامدارى جاعىلعان. جاڭبىر جاۋىپ تۇرعانىن دا اڭعارۋعا بولادى.
46-شى مينۋتتا باستاپقىدا قۇلاپ, كەيٸن ٶرتەنگەنٸن بايقاۋعا بولادى.
وسىعان دەيٸن ەۋە اپاتىنان قازاقستاندىق بەلگٸلٸ دەرٸگەر-پروفەسسورلاردىڭ قازا تاپقانى حابارلانعان ەدٸ. دەنساۋلىق ساقتاۋ مينيسترلٸگٸنٸڭ مەلٸمەتٸنشە, 3 قازاندا كەشكٸ ۋاقىتتا الماتىدان شىمكەنتكە دەرٸگەرلەر بريگاداسى اۋىر جاعدايدا جاتقان جٷكتٸ ەيەلگە كٶمەكتەسۋ ٷشٸن اتتانعان.
ەسكە سالايىق, 3 قازاندا East Wing ەۋەكومپانيياسىنىڭ ان-28 ۇشاعى ۇشىپ شىققاننان كەيٸن 12 مينۋت ٶتكەندە راداردان جوعالىپ كەتكەن ەدٸ. كەيٸن ۇشاق الماتى تٷبٸندە ٶرتەنٸپ جاتقان جەرٸنەن تابىلعان. بورتتا بولعان بەس ادام قازا تاپقان.
