جەكە تۇلعالاردىڭ بانكروتتىعىن رەتتەيتٸن زاڭ جوباسىن تانىستىرعان مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى قايرات ميياتوۆ جالعىز باسپانانى قاي جاعدايدا بانك الىپ قويا الاتىنىن تٷسٸندٸردٸ, دەپ حابارلايدى قازاقپارات.
«سوماسى 4,9 ملن تەڭگەدەن اساتىن بورىشتاردىڭ بارلىعى بويىنشا ازاماتتار سوت ارقىلى بانكروتتىق رەسٸمدەي الادى. بۇل رەسٸم بارىسىندا بورىشكەردٸڭ مٷلكٸ ساۋدا-ساتتىقتا ساتىلۋى مٷمكٸن. زاڭنىڭ ماڭىزدى تۇستارىنىڭ بٸرٸ وسى. سوندىقتان دا بۇل سوت بانكروتتىق سوت ارقىلى رەسٸمدەلەدٸ. ەر مەسەلە سوتتا تىڭعىلىقتى قارالۋى كەرەك. تٷسكەن قاراجات كرەديتورلارعا كەزەكتٸلٸك بويىنشا ٶتەۋگە جٸبەرٸلەدٸ», - دەدٸ قايرات ميياتوۆ.
زاڭ جوباسىنداعى جالعىز باسپانانى الىپ قويۋ مەسەلەسٸ ٷكٸمەتكە ٶزگەرٸسسٸز جٸبەرٸلگەنٸ اتاپ ٶتٸلدٸ.
«جالعىز باسپانا كەپٸلگە قويىلعان بولسا, كرەديتور ونى سوت بانكروتتىعى بارىسىندا الىپ قويۋعا قۇقىلى بولادى. ەگەر جالعىز باسپانا كەپٸل بولماسا, كرەديتورلار وعان ٶتٸنٸش بەرە المايدى. قالعان ٶتەلمەگەن سوما بورىشكەر مٷلكٸ بار ەكەنٸن جاسىرىپ, جالعان اقپارات بەرمەگەن بولسا, ەسەپتەن شىعارۋعا جاتادى.
الايدا, اليمەنت جەنە باسقا ادامنىڭ ٶمٸرٸ مەن دەنساۋلىعىنا كەلتٸرٸلگەن زالال بويىنشا قارىزدار ەسەپتەن شىعارۋعا جاتپايدى», - دەدٸ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى.
