فوتو اشىق دەرەككٶزدەن الىندى
ٷكٸمەت باسشىسى «AMANAT» پارتيياسى فراكتسيياسىنىڭ كەڭەيتٸلگەن وتىرىسىندا «وسى جىلدان باستاپ جەكە تۇلعالاردىڭ بانكروتتىعى تۋرالى زاڭ جۇمىس ٸستەي باستادى. بۇل 10 مىڭنان استام ازاماتتىڭ قارىز جٷكتەمەسٸن ازايتۋعا مٷمكٸندٸك بەردٸ» دەدٸ.
"زاڭنىڭ نەگٸزگٸ نورمالارى 2023 جىلدىڭ 3 ناۋرىزىنان باستاپ كٷشٸنە ەندٸ. ونىڭ قولدانىلۋ مەرزٸمٸ وسى زاڭمەن شەكتەلمەگەن. نەسيەلٸك راقىمشىلىقتان ايىرماشىلىعى, بانكروتتىقتا ايتارلىقتاي شەكتەۋلەر بار: بۇل - بەس جىل ٸشٸندە جاڭا نەسيەلەر الۋعا تىيىم سالۋ, ٷش جىل ٸشٸندە قارجىلىق جاعدايدى باقىلاۋ.
ەلٸمٸزدٸڭ 7 ميلليوننان استام ازاماتىنىڭ تۇتىنۋشىلىق نەسيەلەرٸ بار. ونىڭ 1,5 ميلليونعا جۋىعى تٶلەمدەر بويىنشا كەشٸكتٸرٸلۋلەرٸ بار. جالپى, پرەزيدەنت حالىقتى نەسيەلەندٸرۋمەن كٷرەسۋ كەرەك ەكەنٸن بٸرنەشە رەت ايتىپ, تابىسى ەڭ تٶمەنگٸ كٷنكٶرٸس دەڭگەيٸنەن تٶمەن ادامدارعا تۇتىنۋشىلىق قارىزدار بەرمەۋدٸ تاپسىرعان بولاتىن. وسى تۇرعىدا اتالمىش زاڭدى قابىلداۋ بٸراز ادامعا كٶمەك رەتٸندە قاراستىرۋعا بولادى.
دەگەنمەن قارجى نارىعىن رەتتەۋ اگەنتتٸگٸ تاراپىنان قارىز الۋشىلاردىڭ تٶلەم قابٸلەتتٸلٸگٸن باعالاۋ بٶلٸگٸندە قاداعالاۋ ەلٸ دە بولسا كٷشەيتٸلۋگە تيٸس. ەگەر بۇل شارت بۇزىلعان جاعدايدا نەسيە بەرگەن ەكٸنشٸ دەڭگەيلٸ بانكتەردٸڭ جاۋاپكەرشٸلٸگٸن قاتاڭ تالاپ ەتۋ قاجەت" - دەپ جازدى ساياساتتانۋشى قازبەك مايگەلدينوۆ.
