ەلوردالىق جەكە كەسٸپكەرلەر دە جۇمىس ٸستەيتٸن جاستارعا ارنالعان جالدامالى پەتەرلەر سالۋعا نيەت تانىتىپ وتىر. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا نۇر-سۇلتان قالاسىنىڭ ەكٸمٸ التاي كٶلگٸنوۆ ايتتى, دەپ حابارلايدى قازاقپارات.
«پرەزيدەنتتٸڭ تاپسىرماسىنا سەيكەس, ٷش ٸرٸ قالادا جۇمىس ٸستەيتٸن جاستارعا 1 مىڭ پەتەردەن بەرۋ تاپسىرماسى بار. سونىڭ 1 050-ٸنٸڭ كٸلتٸن تابىستادىق. بايقاۋ جارييالاعانمىزدا 6 500 ادام قۇجاتىن تاپسىردى. ياعني, سۇرانىس 6 ەسە كٶپ. سوندىقتان كەلەسٸ جىلى مۇنى جالعاستىراتىن بولامىز», - دەدٸ التاي كٶلگٸنوۆ.
ونىڭ ايتۋىنشا, ەلوردالىق جەكە كەسٸپكەرلەر دە قالا ەكٸمدٸگٸ جەر بەرەتٸن بولسا جاستارعا جالدامالى پەتەرلەردٸ ٶز قاراجاتىنا سالۋعا قۇلشىنىس تانىتۋدا.
«قازٸر كەسٸپكەرلەر دە كەلٸپ جاتىر. ولار 1 مىڭ ورىنعا 6 500 ادامنىڭ ٶتٸنٸش بەرگەندٸگٸن, ەكٸمدٸك جەرگە كٶمەكتەسسە ٶز ينۆەستيتسييالارىنىڭ ەسەبٸنەن ٷي سالىپ بەرە الاتىندىقتارىن ايتىپ وتىر. بۇل بٸزدٸ قۋانتادى, قولدايمىز. بٸراق, بيۋدجەتتەن دە توقتاتپايمىز. ياعني, جىل سايىن وسىنشا پەتەر سالۋ جوسپاردا بار. بٸراق, تٷسٸنۋ كەرەك, ول بٸر جىلدا شەشٸلمەيدٸ. بٸزدە 29 جاسقا دەيٸنگٸ جاستار سانى رەسمي تٷردە 245 مىڭ ادامدى قۇرايدى. بٸراق ولاردىڭ بەرٸن پەتەرسٸز دەپ ايتۋعا بولمايدى. دەگەنمەن, بۇل مەسەلە باقىلاۋدا. ەسٸرەسە, جاستارعا مٷمكٸنشٸلٸك اشۋ كەرەك», - دەدٸ ەلوردا ەكٸمٸ.
