قىرعىزستان پرەزيدەنتٸ سوورونباي جەەنبەكوۆ قىتاي باسشىسى سي تسزينپينمەن تەلەفون ارقىلى سٶيلەسٸپ, ٶزگە مەسەلەلەرمەن قاتار قىرعىزستاننىڭ قىتايدان العان نەسيەسٸ مەسەلەسٸن دە قوزعاعان. جەەنبەكوۆ قىرعىزستانعا قىتايدان العان قارىزىن ٶتەۋگە كٶبٸرەك ۋاقىت بەرۋدٸ جەنە نەسيە ٶتەۋدٸ جەڭٸلدەتۋ جاعىن قاراستىرۋدى سۇراعان. بۇل تۋرالى ازاتتىقتىڭ قىرعىز قىزمەتٸ حابارلادى.
ەكٸ ەل باسشىسى تەلەفون ەڭگٸمە بارىسىندا كوروناۆيرۋسپەن كٷرەس مەسەلەسٸ, قىرعىز-قىتاي اراسىنداعى جٷك تاسىمالداۋدى قالپىنا كەلتٸرۋ مەسەلەسٸن تالقىلاعان.
2020 جىلدىڭ 31 قاڭتار كٷنگٸ دەرەگٸ بويىنشا, قىرعىزستاننىڭ مەملەكەتتٸك قارىزى 4 ملرد 616,56 ملن دوللاردى قۇرايدى. ونىڭ ٸشٸندە سىرتقى قارىز كٶلەمٸ - 3 ملرد 874,57 ملن دوللار. سىرتقى قارىزدىڭ باسىم بٶلٸگٸن قىتايلىق "ەكسيمبانكتەن" (1,7 ملرد دوللار) العان.
