دەنساۋلىق ساقتاۋ مينيسترٸ ەلجان بٸرتانوۆ العاشقى مەديتسينالىق كٶمەك كٶرسەتەتٸن ۇيىمداردى قارجىلاندىرۋ تەرتٸبٸن ٶزگەرتۋ ۇسىنىسىنا قاتىستى دەپۋتاتتىق ساۋالعا جاۋاپ بەردٸ, دەپ حابارلايدى "ۇلت اقپارات".
ايتا كەتسەك, بۇعان دەيٸن پارلامەنت مەجٸلٸسٸنٸڭ دەپۋتاتتارى العاشقى مەديتسينالىق-سانيتارلىق كٶمەك كٶرسەتەتٸن ۇيىمداردى قارجىلاندىرۋ تەرتٸبٸن ٶزگەرتۋدٸ ۇسىنىپ, كٶرسەتٸلگەن كٶمەك فاكتٸلەرٸن تٸركەپ, سول ارقىلى ارنايى تاريف بويىنشا قارجىلاندىرۋدى ۇسىنعان ەدٸ.
بۇل سۇراققا جاۋاپ بەرگەن ەلجان بٸرتانوۆ قازٸرگٸ جٷيە العاشقى مەديتسينالىق كٶمەك كٶرسەتۋ كەزٸندە الدىن الۋ جۇمىسىن, قىزمەت ساپاسىن ارتتىرۋدى قوسىمشا ىنتالاندىراتىنىن ايتادى.
سونىمەن قاتار, مينيستردٸڭ سٶزٸنشە قازٸر مەديتسينالىق كٶمەكپەن ازاماتتاردىڭ بەرٸ دە قامتىلادى. جەدەل حابارلامالارعا بٸردەن شىعۋ, سوزىلمالى اۋرۋلارى بار ازاماتتارعا قىزمەت كٶرسەتۋ قاۋٸپتەرٸن ازايتىپ, مەنەدجمەنتتٸ جاقسارتىپ, باسقارۋ ٸسٸن جەتٸلدٸرەدٸ.
«بيۋدجەت قاراجاتىن پايدالانۋ تيٸمدٸلٸگٸ ارتىپ, مەديتسينالىق قىزمەت ساپاسىن باقىلاۋ جۇمىسى كٷشەيتٸلٸپ وتىر. سونىمەن بٸرگە ەگەر ەربٸر شاقىرۋعا اقشا تٶلەنەر بولسا – ول شاقىرۋلاردىڭ سانىن ارتتىرۋعا قاتىستى ەكونوميكالىق مٷددە پايدا بولۋى مٷمكٸن. ياعني بەلگٸلٸ بٸر پاتولوگييا بويىنشا بٸرنەشە رەت بارۋ جاعدايى تۋىنداۋى ىقتيمال. بۇل جاقسى نەتيجەگە اپارمايدى. ال شاقىرۋ ازايعان جاعدايدا جەدەل مەديتسينالىق قىزمەتتٸڭ تابىسى ازايىپ, بۇل سونداعى قىزمەتكەرلەردٸڭ ايلىعىنا, جانار-جاعارمايدىڭ ازايىپ, جٶندەۋگە نەمەسە اۆتوكٶلٸكتٸڭ قوسىمشا سايماندارىنىڭ قاجەتتٸگٸنە ەسەر ەتۋٸ ىقتيمال. وسىعان بايلانىستى جەدەل جەردەم قىزمەتٸن ورىندايتىن مەكەمەلەردٸ قارجىلاندىرۋ تەرتٸبٸن ٶزگەرتۋ, سول ارقىلى ارنايى تاريف ەنگٸزۋ («اقشا پاتسيەنتتٸڭ سوڭىنا ەرٸپ بارادى» قاعيداتىمەن) – رەسپۋبليكالىق بيۋدجەتتٸڭ شىعىسىنىڭ ارتۋىنا الىپ كەلەدٸ, ٶتكٸر اۋرۋلار مەن پاتسيەنتتٸڭ ٶمٸرٸنە قاۋٸپ تٶندٸرەتٸن جاعدايدا جەدەل جەردەم كٶرسەتۋ قىزمەتٸنە كەرٸ ەسەر ەتەدٸ. الداعى ۋاقىتتا جەدەل مەديتسينالىق قىزمەتتٸ قارجىلاندىرۋ مەن ونىڭ جۇمىسىن ۇيىمداستىرۋ ٸسٸ ارى قاراي جەتٸلدٸرٸلە بەرمەك», - دەپ جاۋاپ بەردٸ ەلجان بٸرتانوۆ.
