سوت ٷش جىل بۇرىن پەتەر ۇرلىعى بويىنشا زاڭسىز سوتتالىپ كەتكەن جٸگٸتتٸ اقتاپ الدى. بۇل تۋرالى قر جوعارعى سوتىنىڭ باسپاسٶز قىزمەتٸنٸڭ باسشىسى بولات كاليانبەكوۆ ايتتى, دەپ حابارلايدى "ۇلت اقپارات".
بولات كاليانبەكوۆتىڭ جازۋىنشا, 2015 جىلى داستان مىرزاقۇلوۆ پەتەردٸ توناۋ جەنە ادامدار توبىمەن الدىن الا سٶز بايلاسىپ ۇرلىق جاساۋ قىلمىسى بويىنشا كٸنەلٸ دەپ تانىلىپ, مٷلكٸ تەركٸلەنٸپ, ٷش جارىم جىلعا باس بوستاندىعىنان ايىرىلعان. الايدا كاسساتسييالىق سوت مىرزاقۇلوۆتى ەرەكەتتەرٸندە قىلمىستىق قۇرامنىڭ بولماۋىنا بايلانىستى اقتاپ العان.
«كاسساتسييا كەلەسٸ نەگٸزدەرگە سٷيەنٸپ وتىر. ناقتىراق ايتقاندا, سوتقا دەيٸنگٸ تەرگەۋ امالدارى بارىسىندا مىزاقۇلوۆقا پسيحيكالىق جەنە فيزيكالىق تۇرعىدا قىسىم كٶرسەتٸلگەن. ەكٸنشٸدەن, تەرگەۋ ورگاندارىنىڭ ماتەريالدارى مەن ايىپتاۋ قۇجاتىندا, سوت ٷكٸمٸندە كۋەگەرلەردٸڭ, جەبٸرلەنۋشٸ مەن سوتتالۋشىنىڭ جاۋاپتارىنا كەلگەندە ايتارلىقتاي ايىرماشىلىق بارى انىقتالعان. وسىلايشا, مىرزاقۇلوۆتىڭ ٸستٸ مويىنداعانى تۋرالى جاۋابىندا قىلمىس 2015 جىلدىڭ 17 ناۋرىزىندا ٷيدٸڭ ەكٸنشٸ قاباتىندا بولعانى جازىلادى. ونىڭ ايتۋىنشا, التىن بۇيىمدار مەن اقشانى بٸر قوراپتان الىپ كەتكەن. ال وقيعا ورنىن تەكسەرۋ كەزٸندەگٸ حاتتاما مەن ۇرلىقتىڭ بولعانى تۋرالى ارىزدا قىلمىستىڭ 2015 جىلدىڭ 16 ناۋرىزىندا 8 قاباتتا تٸركەلگەنٸ جازىلادى. وعان قوسا جەبٸرلەنۋشٸنٸڭ تٷسٸنٸكتەمەسٸنە سەيكەس قۇندى زاتتار مەن اقشا ەرتٷرلٸ تٷستەگٸ ەرتٷرلٸ سٶمكەلەردە بولعان», - دەلٸنگەن حابارلامادا.
مىرزاقۇلوۆتىڭ جاۋابىنا سەيكەس ول اقشانى تەڭگە كٷيٸندە ۇرلاعان. ال جەبٸرلەنۋشٸ تاراپ قاراجاتتىڭ اقش دوللارى كٷيٸندە ۇرلاعانىن جازىپ بەرگەن.
«ۇرلىق جاسالعان جەردەن 11 ادامنىڭ ساۋساق ٸزدەرٸ انىقتالعان. ولاردىڭ بەرٸ دە سوتتالۋشىنىڭ ساۋساق ٸزدەرٸمەن سەيكەس كەلمەگەن. سونىمەن قاتار, سوتتالۋشىعا قۇقىعى مەن مٸندەتتەمەلەرٸ تۋرالى تٷسٸنٸكتەمە جۇمىستارى جٷرگٸزٸلمەگەن. ايىپتاۋ تەك سوت ٶندٸرٸسٸنٸڭ تٸلٸن بٸلمەگەن بٸر ادامنىڭ عانا جاۋابىنا سٷيەنە سالعان. ەڭ قىزىعى, كٷدٸكتٸنٸ تانۋ پروتسەسٸ بارىسىندا ەلگٸ كۋەگەرگە تەك بٸر ادام عانا كٶرسەتٸلگەن», - دەپ جازادى كاليانبەكوۆ ٶزٸنٸڭ فەيسبۋك پاراقشاسىندا.
مىرزاقۇلوۆ قىلمىستىق ٸستٸ جٷرگٸزٸپ وتىرعان ورگانداردىڭ زاڭسىز ەرەكەتٸنەن ٶزٸنە كەلتٸرٸلگەن زالالدى ٶندٸرۋگە قۇقىلى.
