فوتو: qazaqadebieti.kz
الاش زەرتتەۋشٸسٸ-عالىم, جازۋشى ەلدوس توقتارباي قازاقستان جازۋشىلار وداعى جانىنداعى بالالار مەن جاسٶسپٸرٸمدەر ەدەبيەتٸ جانرلىق كەڭەسٸنٸڭ تٶراعاسى قىزمەتٸنەن الىنعانىن حابارلادى. ونىڭ ايتۋىنشا, بۇل شەشٸم كونستيتۋتسيياداعى ورىس تٸلٸن الىپ تاستاۋ تۋرالى جازبالارى ٷشٸن قابىلدانعان, دەپ حابارلايدى Ult.kz.
ەلدوس توقتاربايدىڭ مەلٸمدەۋٸنشە, كەڭەس تٶراعاسى قىزمەتٸنەن بوساتۋ تۋرالى شەشٸمدٸ قجو تٶراعاسى مەرەكە قۇلكەنوۆ قابىلداعان. سونداي-اق كەڭەستەگٸ تاعى ەكٸ ەرٸپتەسٸنە دە «ورنىن بوساتسىن» دەگەن تالاپ قويىلعان.
«ەكٸ اپتاداي ەلدەن جىراق, ساپاردا جٷرگەنٸمدە, مەنٸ قجو تٶراعاسى مەرەكە اعا قۇلكەنوۆ بالالار مەن جاسٶسپٸرٸمدەر ەدەبيەتٸ جانرلىق كەڭەسٸنٸڭ تٶراعاسى قىزمەتٸنەن تٸل تۋرالى جازعان جازبالارىم ٷشٸن الىپ تاستاپتى. كەڭەستەگٸ ەكٸ ەرٸپتەسٸمە «ورنىن بوساتسىن!» دەپ ەمٸر بەرٸپتٸ», — دەدٸ ول.
ول اتالعان قىزمەتتٸڭ قوعامدىق نەگٸزدە, اقىسىز اتقارىلعانىن اتاپ ٶتتٸ. ايتۋىنشا, بۇل لاۋازىمدى جەكە مانساپ ٷشٸن ەمەس, ۇلتتىق بالالار ەدەبيەتٸنٸڭ دامۋىنا ٷلەس قوسۋ ماقساتىندا قابىلداعان.
ەلدوس توقتارباي بەس ايدىڭ ٸشٸندە كەڭەس اياسىندا بٸرقاتار جوبا جٷزەگە اسقانىن مەلٸمدەدٸ. ونىڭ سٶزٸنشە, ۇمىت قالعان بالالار جازۋشىلارى تٷگەندەلٸپ, «بالالار ەدەبيەتٸنٸڭ باعباندارى», «بالالار كٸتاپحاناسى», «جاسٶسپٸرٸمدەر كٸتاپحاناسى» سەرييالارى اياسىندا 9 كٸتاپ جارىق كٶرگەن. قازٸرگٸ تاڭدا تاعى 7 كٸتاپتىڭ باسپاعا دايىندالىپ جاتقانىن ايتتى.
سونىمەن قاتار قازاقستان بويىنشا بالالار تاقىرىبىنا قالام تارتاتىن 117 جازۋشىنىڭ باسى قوسىلىپ, ورتاق ەدەبي بازا مەن وقىرمان كلۋبى قۇرىلعان. ەلدوس توقتارباي الداعى ۋاقىتتا اتا-انالار مەن بالالارعا ارنالعان تەۋلٸك بويى تەگٸن قىزمەت كٶرسەتەتٸن سالالىق ەدەبي سايتتى ٸسكە قوسۋدى جوسپارلاعانىن دا جەتكٸزدٸ.
ول ٶزٸنە قاتىستى «وداق تٶراعالىعىنا ۇمتىلىپ جٷر» دەگەن الىپقاشپا ەڭگٸمەلەردٸڭ تاراعانىن, الايدا وعان مەن بەرمەي, جۇمىستى جالعاستىرا بەرگەنٸن اتاپ ٶتتٸ.
«تٸلٸنٸڭ مٷددەسٸ تاپتالعان جەردە تاق ٷشٸن جانتالاسىپ, ٶلەرمەندٸك تانىتۋ — سٷيەگٸنە الاش رۋحى سٸڭگەن ازاماتقا جاراسار قىلىق ەمەس! قايىرلىسى!», — دەپ جازدى ول.
مەلٸمدەمە سوڭىندا ەلدوس توقتارباي ٶڭٸرلەردەگٸ بالالار جازۋشىلارى مەن ەرٸپتەستەرٸنەن كەشٸرٸم سۇرادى.
