قازاق ەدەبيەتٸ اۋىر قازاعا ۇشىرادى. بەلگٸلٸ جازۋشى, اۋدارماشى كەڭەس يۋسۋپ 76 جاسىقا قاراعان شاعىندا دٷنيەدەن ٶتتٸ.
كەڭەس يۋسۋپ 1941 جىلى 30 ماۋسىمدا شىعىس قازاقستان وبلىسىنىڭ تاۆرييا اۋدانىنداعى بايمۇر اۋىلىندا دٷنيەگە كەلگەن. ٶسكەمەن قالاسىنداعى جامبىل اتىنداعى قازاق ورتا مەكتەبٸن 1958 جىلى بٸتٸرگەننەن كەيٸن, سەمەيدەگٸ ٶزەنشٸلەر ۋچيليششەسٸن تامامداپ, جوعارعى ەرتٸس كەمە شارۋاشىلىعىندا ەڭبەك ەتەدٸ. قازاق مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸن بٸتٸرگەن. شىعىس قازاقستان وبلىستىق «كوممۋنيزم تۋى» گازەتٸندە ەدەبي قىزمەتكەر, بٶلٸم مەڭگەرۋشٸسٸ, «سوتسياليستٸك قازاقستان» گازەتٸندە ەدەبي قىزمەتكەر, بٶلٸم مەڭگەرۋشٸسٸ, جاۋاپتى حاتشى, «قازاقستان كوممۋنيسٸ» جۋرنالىنىڭ بٶلٸم مەڭگەرۋشٸسٸ, «جۇلدىز» جۋرنالىنىڭ بٶلٸم مەڭگەرۋشٸسٸ بولىپ ٸستەيدٸ. مەملەكەتتٸك باسقارۋ ورگاندارىندا جاۋاپتى قىزمەتتەر اتقاردى. قازاقستان رەسپۋبليكاسىنىڭ پرەزيدەنتٸ باسپاسٶز قىزمەتٸنٸڭ باس ساراپشىسى بولعان.
«جالىن» باسپاسىنان «اقيقات ساپار» (1977), «قاراشاداعى كٶكتەم» (1981), «وحاپكا پولەۆىح تسۆەتوۆ» (1983) پوۆەستەرٸ مەن ەڭگٸمەلەرٸنٸڭ جيناقتارى, «جەلقايىق» كٸتابى («ەلوردا», 2000) شىقتى. سونىمەن قاتار ونىڭ تەرمينولوگييا, قازاق تٸلٸندە ٸس جٷرگٸزۋ مەسەلەلەرٸنە ارنالعان «قۇجات تٸلٸ» كٸتابى 2001 جىلى پاۆلودار وبلىستىق «التىن تٸل» باعدارلاماسىنىڭ اياسىندا جارىق كٶرٸپ, «جالىن» باسپاسى ۇيىمداستىرعان جابىق بەيگەنٸڭ ەكٸنشٸ جٷلدەسٸن الدى. سونداي-اق «قازاقستان» جەنە «اتامۇرا» باسپالارىنان «انىقتاما سٶزدٸگٸ» (1992), «ەكٸ تٸلدە ٸس جٷرگٸزۋ» (1994) كٸتاپتارى جارىق كٶردٸ.
گ.گ.ماركەستٸڭ «جٷز جىلدىق جالعىزدىق» رومانىن (1983), جاس بولگار جازۋشىلارىنىڭ پوۆەستەرٸ مەن ەڭگٸمەلەرٸنٸڭ جيناعىن («گٷلجازيرا», 1987) اۋدارىپ باستىردى.
«قازاقستاننىڭ ەڭبەك سٸڭٸرگەن قايراتكەرٸ» قۇرمەتتٸ اتاعىنىڭ يەگەرٸ (2000).
ۇلت پورتالى ۇجىمى مارقۇمنىڭ اعايىن-تۋىستارىنا قايعىرا كٶڭٸل ايتادى.
