قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ قازاقستان مەن رەسەيدٸڭ XVII ٶڭٸرارالىق ىنتىماقتاستىق فورۋمىندا جايىقتىڭ ەكوجٷيەسٸن قالپىنا كەلتٸرۋ باعىتىندا اتقارىلىپ جاتقان شارۋالارعا توقتالدى, دەپ حابارلايدى قازاقپارات.
«قازٸرگٸ ۋاقىتتا جايىق سۋىنىڭ ورتايۋ ٷردٸسٸ جەنە ونىڭ ەكوجٷيەسٸندەگٸ احۋالدىڭ ناشارلاۋى ەلەۋلٸ الاڭداۋشىلىق تۋعىزىپ وتىر. شەكارا ماڭى ىنتىماقتاستىعىنىڭ 16-شى فورۋمىندا بەرٸلگەن تاپسىرما بويىنشا بٸز جايىق پەن ەرتٸس ٶزەندەرٸن ەكولوگييالىق ساۋىقتىرۋ جٶنٸندەگٸ باعدارلامالارعا, سونداي-اق بارلىق ترانسشەكارالىق ٶزەندەردٸ بٸرلەسكەن گيدرولوگييالىق تۇرعىدا زەرتتەۋ جٶنٸندەگٸ بٸرىڭعاي جول كارتاسىنا قول قويدىق», - دەدٸ سەرٸكقالي بەركەشەۆ.
ونىڭ ايتۋىنشا, بيىلعى بٸرٸنشٸ جارتىجىلدىقتا قوس تاراپ جايىق پەن ەرتٸستٸڭ گيدرولوگييالىق دەرەكتەرٸن جيناپ, الماسقان.
«قوس ەل ساراپشىلارى ٶزەن سۋىنىڭ ەر جىلدا ەرقالاي بولاتىنىن ەسكەرە وتىرىپ, باقىلاۋ تۇستامالارىنا دەيٸن سۋدىڭ كەلۋ ۋاقىتىن ەسەپتەۋگە كٸرٸسٸپ كەتتٸ. بٸرىڭعاي جول كارتاسى جايىق ٶزەنٸنٸڭ گيدرولوگييالىق رەجيمٸن, ونىڭ ٸشٸندە سۋ قويمالارىنىڭ جۇمىس رەجيمٸ ەسەبٸنەن جاقسارتۋ بويىنشا جٷيەلٸ شارالار ەزٸرلەۋگە مٷمكٸندٸك بەرەدٸ. كٷش بٸرٸكتٸرۋ ارقىلى بٸز ٶزەنگە تاستالاتىن تٶگٸندٸلەردٸڭ كٶلەمٸن ازايتىپ, جاعالاۋ ايماعىنداعى كٶنە لاستانۋ وشاقتارىن جويۋعا, سۋ تٷبٸن تەرەڭدەتۋ جۇمىستارىنا جەنە ٶزەن ارناسىن تازارتۋعا, ٶزەن قاپتالىنداعى ورماندار مەن ۋىلدىرىق شاشاتىن جەرلەردٸ قالپىنا كەلتٸرۋگە كٷش سالامىز», - دەدٸ مينيستر.
