جايىق ٶزەنٸنٸڭ دەڭگەيٸ بيىل 340 سانتيمەترگە دەيٸن كٶتەرٸلۋٸ ىقتيمال. بۇل ٶتكەن جىلعىدان بٸر مەترگە جوعارى, دەپ حابارلايدى "ۇلت اقپارات".
بقو تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ باسشىسى رينات شەۋەنوۆتٸڭ بريفينگتە مەلٸم ەتكەنٸندەي, ٶزەندەگٸ سۋ قورىنىڭ 80 پايىزى رەسەي اۋماعىندا قالىپتاسادى.
ٶتكەن جىلى جايىق ٶزەنٸنٸڭ تاسۋ شەگٸ تٸركەلگەن 26 سەۋٸر كٷنٸ ورال قالاسى تۇسىندا 240 سانتيمەتر بولعان ەدٸ. بيىل 5 مامىردىڭ ٶزٸندە 285 سانتيمەترگە جەتتٸ.
«رەسەيدەن الىنعان دەرەككە قاراعاندا, جايىق پەن ونىڭ سالاسى ساقماردا تاسۋ شەگٸ 3 مامىر كٷنٸ بولدى. سوندىقتان سۋدىڭ 10-12 كٷن بويى اعىپ كەلەتٸنٸن, جايىقتىڭ دەڭگەيٸ تەۋلٸك سايىن 7-8 سانتيمەترگە كٶتەرٸلٸپ جاتقانىن ەسەپتەگەندە, 12-15 مامىرعا قاراي 340 سانتيمەترگە جەتەدٸ دەپ وتىرمىز. باستى ماقسات – سۋ قويمالارىن بارىنشا تولتىرىپ الۋ. سونىڭ ٸشٸندە ەڭ باستىلارى – كيروۆ, بٸتٸك, دٶڭگەلەك جەنە پياتيمار سۋ قويمالارى. سوسىن باسقا ارنالارعا سۋ جٸبەرۋدٸ رەتتەۋگە بولادى. بارلىعى 260 ملن تەكشە مەتر سۋ قاجەت بولسا, سونىڭ 57 پايىزى جينالدى. قازٸردٸڭ ٶزٸندە كيروۆ سۋ قويماسى 60 پايىزعا, 107 تەكشە مەتر سۋ جينالاتىن ەڭ ٸرٸ بٸتٸك سۋ قويماسى 50 پايىزعا تولتىرىلدى. بيىل جايىق ٶزەنٸنٸڭ تاسۋى ۇزاققا سوزىلعاندىقتان, بۇل جۇمىستار سۋ دەڭگەيٸ تٷسكەنگە دەيٸن جالعاساتىن بولادى», - دەدٸ ر.شەۋەنوۆ.
«قازسۋشار» رمك بقو فيليالىنىڭ ديرەكتورى نۇربولات جۇماعاليەۆتٸڭ ايتۋىنشا, ٶڭٸردە سۋ تاپشىلىعى مەسەلەسٸن شەشۋ جۇمىستارى جاسالۋدا. مىسالى, شاعان ٶزەنٸندە قاقپا ٶتكەن جىلى 5-6 سەۋٸردە جابىلعان ەدٸ. بيىل سۋ تاپشىلىعىنا بايلانىستى 3 ناۋرىزدا بەكٸتٸلٸپ, مۇنداعى قويماعا 80 پايىز سۋ جينالدى.
قاراٶزەن مەن سارىٶزەنگە ساراتوۆ وبلىسىنان بيىل 57 ملن تەكشە مەتر سۋ الۋعا كەلٸسٸمشارت جاسالىپ, رەسپۋبليكالىق بيۋدجەتتەن قاراجات بٶلٸندٸ. 1 مامىردان باستاپ قاراٶزەنگە سەكۋندىنا 2 تەكشە مەتر, سارىٶزەنگە 1 تەكشە مەتر سۋ الىنۋدا.
سول سەكٸلدٸ جەنٸبەك سۋلاندىرۋ جٷيەسٸنە ۆولگوگراد وبلىسىنان 22 ملن تەكشە مەتر سۋ الۋ جوسپارلاندى. 11 مامىردان باستاپ جەنٸبەك سۋ سورعى ستانساسى ٸسكە قوسىلىپ, سۋ الۋ باستالادى.
«جەنٸبەك پەن بٶكەي ورداسى اۋداندارىن جاز بويى سۋمەن قامتۋ ٷشٸن 22 ملن تەكشە مەتر سۋ جەتپەيدٸ, ەلٸ 6 ملن تەكشە مەتر سۋ قاجەت. سونداي-اق قاراٶزەن مەن سارىٶزەنگە قوسىمشا 28 ملن تەكشە مەتر سۋ الۋ كەرەك. ٷكٸمەت پەن مينيسترلٸكتٸڭ نازارىنا ۇسىنىلعان بۇل مەسەلە شەشٸمٸن تاپسا, بٶكەي ورداسى, جەنٸبەك, قازتالوۆ, جاڭاقالا اۋداندارى سۋمەن قامتىلادى», دەدٸ ن.جۇماعاليەۆ.
مٷمكٸندٸك بولعان جاعدايدا جايىق ٶزەنٸنەن كيروۆ-شەجٸن كانالى ارقىلى قاراٶزەنگە سۋ جٸبەرۋ كٶزدەلۋدە. وبلىستا كانالداردى تازارتۋ جۇمىستارى دا جٷرگٸزٸلۋدە.
