اتىراۋدا جايىقتىڭ ەلٸ قاتپاعان مۇز ويىعىنا تٷسٸپ كەتكەن ەر ادام قۇتقارىلدى, دەپ حابارلايدى "ۇلت اقپارات".
«ادامنىڭ ٶمٸرٸن كٶشەدەگٸ بەينەباقىلاۋ كامەراسىنىڭ كٶمەگٸمەن قۇتقاردى. كامەراعا وقيعا بولعان سەت جازىلىپ قالعان.
بۇل كەلەڭسٸز جاعداي بٷگٸن كٷندٸز ساعات شامامەن 12:20 كەزٸندە قالا ورتالىعىندا, ەليەۆ پەن ساتىبالديەۆ كٶشەلەرٸن جالعاپ تۇرعان اۆتوكٶلٸك كٶپٸرٸنٸڭ استىندا بولعان. ٶزەننٸڭ ورتاسىندا ۆەلوسيپەدپەن كەلە جاتقان ەر ادام قۇلاپ, مۇز ويىعىنا تٷسٸپ كەتكەن. وقيعا ورنىنا شٷعىل تٷردە پوليتسييا پاترۋلدٸك ەكيپاجى, تٶتەنشە جاعدايلار دەپارتامەنتٸنٸڭ قۇتقارۋشىلارى, جەدەل جەردەم بريگاداسى كەلدٸ. قۇتقارۋشىلار مەن پوليتسييا قىزمەتكەرلەرٸنٸڭ بٸرلەسٸپ ەرەكەت ەتۋٸنٸڭ نەتيجەسٸندە 1988 جىلى تۋعان ەر ادام سۋدان قۇتقارىلدى جەنە جاعادا كٷتٸپ تۇرعان دەرٸگەرلەرگە تاپسىرىلدى», - دەپ حابارلادى ايماقتىڭ پوليتسييا دەپارتامەنتٸنٸڭ باسپاسٶز قىزمەتٸندە.
اتىراۋ وبلىسىنىڭ پوليتسييا دەپارتامەنتٸ تۇرعىندار مەن قالا قوناقتارىنا جايىق ٶزەنٸندەگٸ مۇزدىڭ ەلٸ قاتپاعاندىعىن ەسكەرتەدٸ. سونىمەن قاتار, كٷندٸزگٸ ۋاقىتتا اۋا تەمپەراتۋراسى جىلى بولادى. پوليتسەيلەر ازاماتتاردىڭ ٶز باسىن قاۋٸپ-قاتەرگە تٸكپەۋگە, ياعني ٶزەننٸڭ مۇزىمەن جٷرمەۋگە شاقىرادى.
