جايىق ٶزەنٸنٸڭ سۋىنا كەشەندٸ زەرتتەۋ جٷرگٸزٸلدٸ. عىلىمي زەرتتەۋدٸڭ نەتيجەسٸن قر پرەمەر-مينيسترٸنٸڭ ورىنباسارى رومان سكليار تانىستىردى, دەپ حابارلايدى قازاقپارات.
«2021-2024 جىلدارعا ارنالعان قازاقستان-رەسەي اراسىنداعى جايىق ٶزەنٸ باسسەينٸ ترانسشەكارالىق سۋ نىساندارىن قولدانۋ جەنە قورعاۋ تۋرالى ىنتىماقتاستىق باعدارلاماسى اياسىندا «جايىق ترانسشەكارالىق ٶزەنٸ باسسەينٸندەگٸ اعىندى رەتتەۋدٸڭ سالدارىن ەكولوگييالىق باعالاۋ جەنە ٶزەندٸ ساقتاۋ مەن قالپىنا كەلتٸرۋ جٶنٸندە عىلىمي نەگٸزدەلگەن ۇسىنىستاردى ەزٸرلەۋ» تاقىبىرىندا عىلىمي زەرتتەۋ جٷرگٸزۋدٸڭ تەحنيكالىق تاپسىرماسى ەزٸرلەندٸ», - دەلٸنگەن رومان سكلياردىڭ دەپۋتاتتىق ساۋالعا بەرٸلگەن جاۋابىندا.
ونىڭ ايتۋىنشا, جايىق ٶزەنٸنٸڭ لاستانۋى مەن ونىڭ ەكولوگييالىق جاعدايىنىڭ ناشارلاۋ سەبەبٸن انىقتاۋ ماقساتىندا كەشەندٸ زەرتتەۋ جۇمىسى جٷرگٸزٸلگەن.
«بقو جەنە اقتٶبە وبلىسى اۋماعىنداعى سۋ ساپاسىنا جٷرگٸزٸلگەن كەشەندٸ زەرتتەۋدٸڭ نەتيجەسٸندە 4 جەنە 5-شٸ ساناتقا, ال اتىراۋ وبلىسىنداعى سۋدىڭ ساپاسى 1-4 ساناتقا جاتاتىنى انىقتالدى. سول سەكٸلدٸ زەرتتەۋ بارىسىندا اتموسفەرالىق سىناما الىنىپ, نەتيجەسٸ بويىنشا اۋانى لاستايتىن قالدىق زات انىقتالمادى. ودان بٶلەك, ٶتكەن جىلى قازان ايىندا جايىقتاعى سۋ شارۋاشىلىعى جاعدايىن جاقسارتۋ ماقساتىندا بٸرىڭعاي جول كارتاسى ەزٸرلەنٸپ, بەكٸتٸلدٸ», - دەيدٸ ول.
پرەمەر-مينيستر ورىنباسارى جايىق ٶزەنٸنٸڭ ەكولوگييالىق احۋالىن رەتتەۋگە قاتىستى شارالار قازاقستان مەن رەسەيدٸڭ ورتاق باعدارلاماسى اياسىندا ەكٸجاقتى جٷرٸپ جاتقانىن ايتتى.
«بيىل 3 اقپاندا جايىق ٶزەنٸنە قاتىستى بٸرىڭعاي جول كارتاسى اياسىندا قازاقستاندىق ساراپشىلاردىڭ جۇمىس كەستەسٸ, ۋاقىتى مەن ۇيىمداستىرۋ فورماتىنا قاتىستى ٸس-شارالار بەكٸتٸلدٸ. ٷشٸنشٸ باعىت بويىنشا جايىق ٶزەنٸندە بەكٸرە سانىن ارتتىرۋ, كانالدار مەن سۋ جٷيەلەرٸن قايتا جاڭارتۋ, ٶزەن ارناسىن بەكٸتە تٷسٸپ, ٶزەن جاعاسىندا ورماندى قالپىنا كەلتٸرۋ قاراستىرىلعان. ودان بٶلەك ٶزەن تٷبٸن تەرەڭدەتۋ, تازارتۋ جۇمىسى جەنە باسقا دا ٸس-شارالار جوسپارلانعان», - دەدٸ رومان سكليار.
