باتىس قازاقستان وبلىسىندا جايىق ٶزەنٸنٸڭ ٷستٸنەن ۇزىندىعى 2,9 شاقىرىم كٶپٸر سالىناتىن بولادى.
بۇل جايىندا قر پرەمەر-مينيسترٸنٸڭ پارلامەنت دەپۋتاتتارى ساۋالىنا بەرگەن جاۋابىندا ايتىلعان, دەپ حابارلايدى "ۇلت اقپارات".
«بۇل كٶپٸردٸڭ جالپى ۇزىندىعى كٸرمە جولدى قوسا العاندا 12,1 شاقىرىمدى قۇرايدى. كٶپٸردٸڭ ۇزىندىعى - 2,9 شاقىرىم, كٸرمە جولى – 9,2 شاقىرىم. 2019 جىلدىڭ 11 سەۋٸرٸندەگٸ №01-01121/19 مەملەكەتتٸك ساراپتاما قورىتىندىسىنا سەيكەس قۇرىلىس قۇنى – 36 ملرد تەڭگە.
«2020-2022 جىلدارعا ارنالعان رەسپۋبليكالىق بيۋدجەت تۋرالى» قر زاڭىنىڭ جوباسىن جاساۋ اياسىندا ٶتٸنٸم بولعان جوق. 2020 جىلعا ارنالعان رەسپۋبليكالىق بيۋدجەتتٸ بٸرٸنشٸ ناقتىلاۋ اياسىندا باتىس قازاقستان وبلىسىنىڭ ەكٸمدٸگٸ جوبانى جٷزەگە اسىرۋدى باستاۋعا 1 ملرد تەڭگە سوماسىندا قاراجاتتى رەسپۋبليكالىق بيۋدجەتتەن بٶلۋگە بيۋدجەتتٸك ٶتٸنٸم جٸبەردٸ», - دەدٸ اسقار مامين.
ٷكٸمەت باسشىسىنىڭ اتاپ ٶتۋٸنشە, اتالعان جوبانى بيۋدجەتتٸك باعدارلاما ەكٸمشٸسٸ – قر يندۋسترييا جەنە ينفراقۇرىلىمدىق دامۋ مينيسترلٸگٸ قولداپ وتىر. جوباعا قاراجات بٶلۋ مەسەلەسٸ 2020 جىلعا ارنالعان رەسپۋبليكالىق بيۋدجەتتٸ بٸرٸنشٸ ناقتىلاۋ بارىسىندا قازاقستان رەسپۋبليكاسىنىڭ بەكٸتٸلگەن زاڭناماسىنا ساي قاراستىرىلاتىن بولادى.
«بۇعا قوسا, جوبا قۇنىنىڭ قوماقتى ەكەندٸگٸن ەسكەرە وتىرىپ, جوباعا قارجى بٶلۋ مەسەلەسٸن جەرگٸلٸكتٸ بيۋدجەتتەن تەڭ قارجىلاندىرۋ جولىمەن تەپە-تەڭدٸك نەگٸزدە, سونىمەن قاتار 2021-2023 جىلدارعا ارنالعان رەسپۋبليكالىق بيۋدجەتتٸ قالىپتاستىرۋ اياسىندا جوسپارلى تٷردە كەزەڭ-كەزەڭٸمەن قاراستىرۋ قاجەت دەپ سانايمىز», - دەدٸ ٷكٸمەت باسشىسى.
ايتا كەتەيٸك, قر پارلامەنتٸ سەناتى مەن مەجٸلٸسٸنٸڭ بٸر توپ دەپۋتاتى باتىس قازاقستان وبلىسىنىڭ اقجايىق اۋدانىنا قاراستى چاپاەۆ اۋىلىنىڭ اۋماعىندا جايىق ٶزەنٸنٸڭ ٷستٸنەن اۆتوموبيل جٷرەتٸن كٶپٸر سالۋ مەسەلەسٸن كٶتەرگەن بولاتىن.
