بٷگٸن مەجٸلٸستە «جاڭا قازاقستان» دەپۋتاتتىق توبى قاڭتار وقيعاسى بويىنشا باس پروكۋراتۋراعا بٸرقاتار ساۋال جولدادى. مەجٸلٸستٸڭ جالپى وتىرىسىندا بەرٸلگەن جاۋاپتارعا دەپۋتات جاناربەك ەشٸمجان پٸكٸر بٸلدٸردٸ, دەپ حابارلايدى قازاقپارات.
«ٶتكەن اپتادا جارييالانعان دەپۋتاتتىق ساۋالىمىزعا بايلانىستى بٷگٸن باس پروكۋرور, ٸشكٸ ٸستەر مينيسترٸ, سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى, باسقا دا كٷش قۇرىلىمىنىڭ باسشىلارى بايانداما جاسادى. دەپۋتاتتاردىڭ تاراپىنان كٶپتەگەن سۇراقتار قويىلدى. اشىعىن ايتقان كەزدە بارلىق بايانداماشىلاردان گٶرٸ قۇقىق قورعاۋشىلار ابزال قۇسپان مەن ايمان وماروۆانىڭ بايانداماسىندا كٶپ نەرسە ايتىلعانداي كٶرٸندٸ. وسى ساۋالدى جولداعان دەپۋتات رەتٸندە ايتسام, كٷش قۇرىلىمدارى باسشىلارىنىڭ باياندامالارىندا كەلتٸرٸلگەن دەرەكتەر كٶڭٸلٸمنەن تولىق شىققان جوق. قوعام تاراپىنان قويىلعان سۇراقتارعا تولىق جاۋاپ بەرٸلدٸ دەپ ايتا المايمىن. بٸراق سول كٷش قۇرىلىمىنىڭ باسشىلارى, مەملەكەتتٸك ورگاننىڭ جەتەكشٸلەرٸ قازٸرگٸ كٷنٸ تەرگەۋ امالدارى جٷرٸپ جاتقانىن, سوعان بايلانىستى كٶپ مەسەلە قۇپييا جاعدايدا جٷرٸپ جاتقانىن ەسكەرتتٸ. «سول سەبەپتٸ كٶپ جاعدايدى ەزٸرگە قوعامعا اشىق ايتا المايمىز. تەرگەۋ امالدارى تولىق بٸتكەن سوڭ بارلىق جاعدايدى حالىققا تيٸستٸ دەڭگەيدە جەتكٸزەمٸز» دەدٸ. وسى تاراپتان العان كەزدە مەن جاۋاپتارعا جارتىلاي قاناعاتتاندىم دەپ ايتۋعا بولادى», - دەيدٸ دەپۋتات.
ونىڭ پايىمىنشا, مەملەكەتتٸك ورگاندار باسشىلارىنىڭ باياندامالارىندا كەلتٸرٸلگەن دەرەك-دەيەكتەردٸڭ بٸرازى وسى كٷنگە دەيٸن دە ايتىلعان.
«سول كٷندەرٸ قانشا عيماراتقا قانشا ادام شابۋىل جاسادى, قانشا ادام قايتىس بولدى, ەسكەري ادامداردان قانشا ادام زارداپ شەكتٸ, بيزنەس نىساندارى قالاي قيرادى دەگەن سەكٸلدٸ سۇراقتارعا باق-تا شەتپۇشپاقتاپ بٸراز مەلٸمەت شىققان. سول مەلٸمەتتەر جاڭارتىلىپتى, تولىقتىرىلعان دەرەكتەر تىڭدادىق دەپ ايتۋعا بولادى. ال قوعام تاراپىنان «بۇل وقيعانى كٸمدەر ۇيىمداستىردى, كريمينالدىق توپتاردىڭ جەتەكشٸلەرٸ كٸمدەر, ولارعا ىقپال ەتٸپ وتىرعان لاۋازىمدى تۇلعالار كٸمدەر» دەگەن سيياقتى ساياسي مەندەگٸ سۇراقتار كٶپ قويىلىپ جاتىر. سولارعا جاۋاپ مولىراق بەرٸلمەدٸ. الداعى ۋاقىتتا وسىعان تولىق جاۋاپ الامىز عوي دەپ ويلايمىن», - دەدٸ مەجٸلٸس ٶكٸلٸ.
سونداي-اق, ول قاڭتار وقيعاسىنان دۇرىس قورىتىندى شىعارىلۋىنا بٷكٸل قازاقستان قوعامى مٷددەلٸ ەكەنٸن ەسكە سالدى.
«ەڭ نەگٸزگٸسٸ, 4,5,6,7,8 قاڭتار كٷندەرٸ بٸرٸنشٸ بولىپ, مەملەكەت باسشىسى رەتٸندە قاسىم-جومارت توقاەۆ ٷلكەن جاۋاپكەرشٸلٸكتٸ موينىنا الدى. ارادا ەكٸ ايدان ارتىق ۋاقىت ٶتتٸ. جاۋاپكەرشٸلٸك پرەزيدەنتتٸڭ عانا موينىندا بولماۋى كەرەك. تيٸستٸ سالالىق ٷكٸمەت مٷشەلەرٸنٸڭ دە, ٶڭٸردەگٸ ەكٸمدەردٸڭ دە, جالپى كٷش قۇرىلىمى باسشىلارىنىڭ, سول سالادا قىزمەت ەتەتٸن تيٸستٸ لاۋازىمدى تۇلعالاردىڭ دا جاۋاپكەرشٸلٸگٸ بولۋعا تيٸس. سول سەبەپتٸ بەرٸ ٶز سالاسى بويىنشا, اشىق, قانىق جەنە ناقتى اقپارات بەرۋٸ كەرەك. رەسمي اقپارات الماعان جەردە ەلەۋمەتتٸك جەلٸدە تٷرلٸ الىپقاشپا ەڭگٸمەلەر تۋىندايدى. ول حالىقتىڭ كٶڭٸل كٷيٸنە دە تٷرلٸ ەسەر ەتەدٸ. سوندىقتان جاۋاپكەرشٸلٸكتٸ تەك پرەزيدەنتكە يتەرە بەرمەي, بەرٸمٸز, قوعام دا, بيلٸك تە, پارلامەنت تە, ٷكٸمەت تە جاۋاپكەرشٸلٸكتٸ تەڭ بٶلٸسٸپ, حالىققا ناقتى, شىنايى اقپاراتتى قالايدا جەتكٸزۋٸمٸز كەرەك», - دەدٸ جاناربەك ەشٸمجان.
