وبلىس ورتالىعىندا «جاستار. پاۆلودار.kz» تاقىرىبىندا ٶتكەن جاستار فورۋمىنا حالىقارالىق وليمپيادالار مەن شىعارماشىلىق بايقاۋلاردىڭ جەڭٸمپازدارى, سپورتشىلار, اۋىل, قالالاردا تۇراتىن بەلسەندٸ جاستار قاتىستى. بۇل شارا تەۋەلسٸزدٸكتٸڭ 25 جىلدىعىنا ارنالدى.
پاۆلودار وبلىسى ەكٸمٸنٸڭ ورىنباسارى مەيرام بەگەنتاەۆ وسى فورۋمدا: «قازٸر جاستاردىڭ ەلەۋمەتتٸك پروبلەمالارىن شەشۋگە, ولاردىڭ باستامالارىن قولداۋعا, جۇمىسپەن قامتىلىپ, جۇمىسسىزدىق دەڭگەيٸن تٶمەندەتۋگە باسا نازار اۋدارىلىپ وتىر» دەدٸ.
قازٸر ٶڭٸردەگٸ جوعارى وقۋ ورىندارى مەن كوللەدجدەردٸڭ تٷلەكتەرٸنە ارنالعان بوس جۇمىس ورىندارى جەرمەڭكەلەرٸنٸڭ ارقاسىندا جاستاردىڭ 83,6 پايىزى جۇمىسپەن قامتىلعان. ٶمٸرلەرٸن اۋىل شارۋاشىلىعى سالاسىنا ارناعىسى كەلگەن جاستار لەبياجٸ اۋدانى ورتالىعىنداعى № 14 اگرارلىق-تەحنيكالىق كوللەدجدە دۋالدى وقۋ جٷيەسٸ بويىنشا بٸلٸم الۋدا. ولار «راسسۆەت», «ساپا», جۇمابەك» شارۋا قوجالىقتارىندا تەجٸريبەدەن ٶتەدٸ.
«جۇمىسپەن قامتۋدىڭ جول كارتاسى-2020» باعدارلاماسى بويىنشا 20 جاس كەسٸپكەر نەسيە الدى. بيىلعى جىلى پايدالانۋعا بەرٸلگەن 396 پەتەردٸڭ 270-ٸ جاس وتباسىلارعا بٶلٸندٸ. بوس جۇمىس ورىندارىنىڭ بٸرىڭعاي ەلەكتروندىق دەرەك قورى ەنگٸزٸلەدٸ, وندا جوعارى وقۋ ورىندارى مەن كوللەدجدەردٸڭ تٷلەكتەرٸ ونلاين تەرتٸبٸندە ٶزٸنە قاجەت ماماندىقتى تاڭداي الادى.
قازٸر ٶڭٸردەگٸ 50-گە جۋىق كوللەدجدە 21600, جوعارى وقۋ ورىندارىندا 15 مىڭ ستۋدەنت بٸلٸم الۋدا. سوڭعى جىلدارى ستۋدەنتتەرگە ارنالىپ جاتاقحانالار سالىنۋدا. ەندٸ تاعى دا 2 جاتاقحانا, بٸرٸ – تٷستٸ مەتاللۋرگييا كوللەدجٸندە, ەكٸنشٸسٸ مونتاجداۋ كوللەدجٸندە بوي كٶتەرمەك. العاشقىسى ERG كومپانييالار توبىنا كٸرەتٸن كەسٸپورىندار ەسەبٸنەن, ال ەكٸنشٸسٸ «ورتالىق-ازييا وتىن-ەنەرگەتيكا كومپانيياسى» اق ەسەبٸنەن قارجىلاندىرىلادى. جوبا قۇنى – 612 ملن. تەڭگە. جاتاقحانالار جوسپار بويىنشا 2017 جىلى تاپسىرىلادى. ەكٸ كوللەدجدە 800-دەي ستۋدەنت جۇمىسشى ماماندىقتارى بويىنشا بٸلٸم الۋدا.
«سەرپٸن» باعدارلاماسى بويىنشا وقۋعا كەلگەن ستۋدەنتتەر پاۆلودار اۋدانىنىڭ چەرنوياركا اۋىلىندا فەرمەرلەرگە كٷزگٸ ٶنٸمدٸ جيناۋعا كٶمەكتەسكەن. بۇل – فورۋم بارىسىندا ايتىلعان اقپاراتتار.
سونداي-اق, وسى جولى جاسٶسپٸرٸمدەر اراسىندا باعدارلامالاردى ٷيلەستٸرۋدەن وليمپيادا ٶتٸپ, وعان 30 وقۋشى قاتىستى. بارلىق جەڭٸمپازدار 2017 جىلى مامىر ايىندا ٶتەتٸن حالىقارالىق سەتباەۆ وليمپياداسىنا جولداما الدى. تەۋەلسٸزدٸكتٸڭ 25 جىلدىعىنا ارنالعان فورۋمدا اتالعان جەڭٸمپازداردان باسقا, حالىقارالىق وليمپيادالار مەن شىعارماشىلىق بايقاۋلاردىڭ جٷلدەگەرلەرٸ, سپورتشىلار, اۋىل, قالالاردا تۇراتىن بەلسەندٸ جاستار قاتىستى دەدٸك. مىسالى, گونكونگتە ماتەماتيكادان ٶتكەن حالىقارالىق IMO وليمپياداسىنىڭ جەڭٸمپازى ەمٸر مۇحاممەد-ەلي, پاراتاەكۆوندودان ەۋروپا چەمپيونى كارەن وۆسەپيان, مەدياباپكەر, «ٷزدٸك بلوگەر» اتالىمىندا «نۇر سۇڭقار» سىيلىعىنىڭ يەگەرٸ ياكوۆ فەدوروۆ, كەسٸپكەر پالاتاسىنىڭ بيزنەس-باپكەرٸ قۋانىش دوسماعۇلوۆ, حالىقارالىق Miss Regal International سۇلۋلىق بايقاۋىنىڭ لاۋرەاتى ەمينا قوجانوۆا فورۋمدا سىيلىق, ماراپاتتارعا يە بولدى.
فورۋمدا مەملەكەتتٸك جاستار ساياساتىنىڭ 6 باعىتى بويىنشا فورسايت-سەسسييالار, سەمينار, ترەنينگتەر ٶتكٸزٸلدٸ. مودەراتورلار رەتٸندە پارلامەنت مەجٸلٸسٸنٸڭ دەپۋتاتى ارتۋر پلاتونوۆ, جاستار كونگرەسٸنٸڭ اتقارۋشى ديرەكتورى ايدىن سەبيتوۆ, «زەردە» جوبالار حولدينگٸنٸڭ باسشىسى قۋات ساعاديەۆ شاقىرىلدى.
فاريدا بىقاي,
«ەگەمەن قازاقستان»
پاۆلودار
.jpeg)