«جۇمىسپەن قامتۋدىڭ جول كارتاسى-2020» باعدارلاماسى بويىنشا باسىم باعىتتاردىڭ بٸرٸ – «جاستار تەجٸريبەسٸ». مەملەكەتتٸڭ جان-جاقتى قولداۋ كٶرسەتۋٸنٸڭ ارقاسىندا بۇل باعىت بٷگٸندە ەلٸمٸزدٸڭ بارلىق ٶڭٸرلەرٸندە ويداعىداي جٷزەگە اسىرىلىپ, اۋىز تولتىرىپ ايتارلىقتاي نەتيجە بەرٸپ وتىر.
بۇل باعدارلامانىڭ نەگٸزگٸ ماقساتى – جوعارى وقۋ ورىندارىنىڭ, كوللەدجدەر مەن ليتسەيلەردٸڭ تٷلەكتەرٸنە مەملەكەت تاراپىنان قوسىمشا قولداۋ كٶرسەتۋ. قازٸر جۇمىس بەرۋشٸلەردٸڭ كٶبٸ تەجٸريبەسٸ جوق جاس مامانداردى جۇمىسقا الۋعا قۇلىقسىز ەكەنٸ جاسىرىن ەمەس. باستاپ جۇمىس ٸستەمەسە, ول تەجٸريبە قايدان كەلەدٸ? سوندىقتان, بۇل جەردە مەملەكەتتٸڭ ارالاسىپ, جاس ماماننىڭ تاۋىن شاقپاي, جۇمىس تابۋىنا, تەجٸريبە جيناۋىنا سەپتەسۋٸ اسا قاجەت. جۇمىس بەرۋشٸ دە جاس ماماندار اراسىنان ٶز كٶڭٸلٸنەن شىعاتىن, سەنٸم ارتا الاتىن, جٸگەرلٸ ماماندى تاڭداپ الا الاتىنداي بولۋى كەرەك.
– باعدارلاما شارتى بويىنشا, جاس مامان مەنشٸك تٷرٸنە قاراماستان, كەز كەلگەن ۇيىمدا تەجٸريبەدەن ٶتە الادى. مەملەكەت وعان اي سايىن 34 686 تەڭگە كٶلەمٸندە جالاقى تٶلەپ وتىرادى. ال جۇمىس بەرۋشٸ ونىڭ جۇمىس رەتٸن, مٸندەتتەر كٶلەمٸن بەلگٸلەپ, مەملەكەت بٶلگەن ەڭبەكاقىنىڭ ٷستٸنەن قوسىمشا اقى تٶلەۋٸنە بولادى. وسىلايشا, التى اي بويى تەجٸريبەدەن ٶتەدٸ دە, سودان كەيٸن جۇمىس بەرۋشٸ قالاسا, جاس مامان كەلٸسسە, ول تۇراقتى جۇمىسقا قابىلدانۋى مٷمكٸن, – دەيدٸ قاراعاندى قالاسىنىڭ ەكٸمدٸگٸنە قاراستى حالىقتى جۇمىسپەن قامتۋ ورتالىعىنىڭ ديرەكتورى نۇرلان بايانوۆ.
جاستاردىڭ تەجٸريبەدەن ٶتۋٸ مەملەكەتتٸك بيۋدجەتتٸڭ جۇمىسپەن قامتۋ باعدارلاماسىن جٷزەگە اسىرۋعا ارناعان قاراجاتى ەسەبٸنەن جٷزەگە اسىرىلادى. تەجٸريبەدەن ٶتكٸزۋگە كەلٸسكەن كەسٸپورىن, كەلٸسٸمشارت تالابى بويىنشا, جاس مامانعا جەتەكشٸ تاعايىنداۋعا, ونى تەحنيكالىق قاۋٸپسٸزدٸك جٶنٸندەگٸ نۇسقاۋلىقپەن تانىستىرۋعا, كەرەك بولعان جاعدايدا ارنايى كيٸم-كەشەكپەن, قۇرال-سايماندارمەن قامتاماسىز ەتۋگە مٸندەتتٸ. ال تەجٸريبەدەن ٶتۋ مەرزٸمٸ اياقتالعاننان كەيٸن جاس مامانعا مٸنەزدەمە بەرٸلەدٸ. قالاي بولعاندا دا, جاستار تەجٸريبەسٸنٸڭ مەرزٸمٸ التى ايدان اسپاۋى تيٸس. وسى ۋاقىت ٸشٸندە جاس مامان ٶزٸ وقىعان ماماندىقتىڭ پراكتيكالىق قىرلارىن تانىپ, بٸلٸم-بٸلٸگٸن مەيلٸنشە ارتتىرىپ, ٶزٸن-ٶزٸ كٶرسەتٸپ, الداعى ۋاقىتتا جۇمىس بەرۋشٸنٸڭ تالابىنان شىعا الاتىنداي, سەنٸمٸن وياتا الاتىنداي دەرەجەگە قول جەتكٸزۋٸ كەرەك. تالپىنعان, ەرتەڭگٸ كٷنٸن ويلاعان جاستار بۇل ماقساتتىڭ ٷدەسٸنەن شىعۋى تيٸس.
بۇل باعدارلاما جاستاردىڭ ٶز ەلەۋەتٸن باعامداپ, كەلەشەككە قادام جاساۋىنا, ٶز مٷمكٸندٸكتەرٸ مەن بٸلٸم-بٸلٸگٸن تانىتۋىنا تاماشا مٷمكٸندٸك بەرٸپ وتىر.
بيىل قاراعاندىدا «جاستار تەجٸريبەسٸ» باعدارلاماسىنا وقۋ ورىندارىنىڭ 322 تٷلەگٸ قاتىستى. سولاردىڭ جارتى-
سى تەجٸريبەدەن ٶتۋ مەرزٸمٸ اياقتالعاننان كەيٸن تۇراقتى جۇمىسقا قابىلداندى. سولاردىڭ بٸرٸ – بالقاشتىق قايسار قارابالين. ول جاستار تەجٸريبەسٸنەن ويداعىداي ٶتٸپ, كەسٸپورىن باسشىلارىنىڭ سەنٸمٸن اقتادى.
2010 جىلى بالقاش گۋمانيتارلىق-تەحنيكالىق كوللەدجٸن تەحنيك-مەحانيك ماماندىعى بويىنشا تەمامداپ, ودان كەيٸن 2014 جىلى قاراعاندى مەملەكەتتٸك تەحنيكالىق ۋنيۆەرسيتەتٸنٸڭ ماشينا جاساۋ فاكۋلتەتٸن بٸتٸرگەن قايسار جىلدان ارتىق ۋاقىت بويى ماماندىعى بويىنشا تۇراقتى جۇمىس تاپپاي جٷرٸپ قالعان ەدٸ. سٶيتٸپ جٷرگەندە «جۇمىسپەن قامتۋدىڭ جول كارتاسى-2020» مەملەكەتتٸك باعدارلاماسىنىڭ اياسىنداعى «جاستار تەجٸريبەسٸ» تۋرالى ەستٸپ, بٸردەن قاراعاندى قالاسى ەكٸمدٸگٸنٸڭ حالىقتى جۇمىسپەن قامتۋ ورتالىعىنا بارعان. مۇنداعى ماماندار ۇسىنعان بٸرنەشە كەسٸپورىنداعى بوس جۇمىس ورىندارىنان ول «ەكسپەريمەنتتٸك زاۋىت №1» جاۋاپكەرشٸلٸگٸ شەكتەۋلٸ سەرٸكتەستٸگٸن تاڭداپ الادى.
ٶزٸنە جٷكتەلگەن مٸندەتتەردٸ تىڭعىلىقتى, ٷلكەن جاۋاپكەرشٸلٸكپەن اتقارا بٸلگەن جاس مامان تەجٸريبەدەن ٶتۋ مەرزٸمٸ اياقتالار-اياقتالماستان, ٶندٸرٸس ورنىنىڭ مەتالل بۇيىمدار ۋچاسكەسٸنە شەبەر رەتٸندە جۇمىسقا قابىلداندى. ول-ول ما, ارادا جارتى جىلداي عانا ٶتكەندە, قايسار وسى ۋچاسكەنٸڭ باسشىسى بولىپ تاعايىندالدى.
– مەن الدىمەن جاس مامانداردىڭ, وقۋ ورىندارى تٷلەكتەرٸنٸڭ جۇمىسپەن قامتىلۋىنا ەرەكشە كٶڭٸل بٶلٸپ وتىرعان تيٸمدٸ مەملەكەتتٸك باعدارلاما ٷشٸن ٷكٸمەتٸمٸزگە العىس ايتامىن, – دەيدٸ قايسار قارابالين.
جۇمىسپەن قامتۋ ورتالىعى جاستارعا عانا ەمەس, ادال ەڭبەكپەن تابىس تاپقىسى كەلەتٸن كٸم-كٸمگە دە جۇمىس قاراستىرۋعا ەردايىم دايىن. قازٸر ورتالىقتىڭ مەلٸمەتتەر بازاسىندا ەكٸ مىڭداي بوس جۇمىس ورنى بار. ونىڭ ٸشٸندە سان تٷرلٸ ماماندىقتار بار, كەلٸپ تانىسقىسى كەلەتٸندەر ٷشٸن ەسٸك اشىق. تۇراقتى جۇمىس تاپقىسى كەلگەن جانعا جالعىز مەملەكەت كٶمەگٸ ازدىق ەتەدٸ. ەڭ الدىمەن ادامنىڭ ەڭبەك ەتۋگە قۇلشىنىسى, ماقساتىنا جەتپەي تىنبايتىن تاباندىلىعى بولۋى شارت.
قايرات ەبٸلدينوۆ,
«ەگەمەن قازاقستان»
قاراعاندى
.jpeg)