وڭتٷستٸك قازاقستان وبلىسىندا «تۋعان جەردٸ تٷلەتكەن ازاماتتار» جوباسى اياسىندا جاستار جەرگٸلٸكتٸ كەسٸپكەرلەرمەن كەزدەستٸ.
وبلىستىق «وتىرار» عىلىمي-ەمبەباپ كٸتاپحاناسىندا ٶتكەن جٷزدەسۋدە ٸسٸن دٶڭگەلەتكەن بيزنەس ٶكٸلدەرٸ كەسٸپ اشۋ مەن تابىس تابۋدىڭ قىر-سىرىن ٷيرەتتٸ, دەپ حابارلايدى قازاقپارات تٸلشٸسٸ.
باسقوسۋداعى ماقسات - وتاندىق ٶنٸمدٸ قولداۋ مەن ناسيحاتتاۋ, ونى ٶندٸرەتٸن ەڭبەك ادامدارىن دەرٸپتەۋ مەن جاستارعا كەسٸپتٸك باعدار بەرۋ بولدى. وسى جولدا وبلىس ەكونوميكاسىنا ٶلشەۋسٸز ٷلەس قوسىپ وتىرعان ٸسكەر ازاماتتار جاس بۋىن ٶكٸلدەرٸمەن كەزدەستٸ. جينالعاندار كەسٸپكەرلٸكتٸڭ قىر-سىرى تۋرالى ەمٸن-ەركٸن سۇحباتتاستى. تابىس تابۋ تۇرعىسىندا وي-پٸكٸرلەرٸمەن الماستى.
قازٸرگٸ تاڭدا ٶڭٸردە كەسٸپكەرلٸكتٸڭ اياسى كەڭەيٸپ, قارقىندى دامىپ كەلەدٸ. باسقوسۋدا سٶز سٶيلەگەن كەسٸپكەرلەردٸڭ ايتۋىنشا, بيزنەس جٷرگٸزۋ باستاپقى كەزدە قيىن بولعانىمەن, قازٸر مەملەكەتتٸك تاراپىنان جەڭٸلدٸكتەر مەن قولداۋ كٶپ.
«ەلباسىنىڭ كەسٸپكەرلٸكتٸ قولداۋ باعىتىنداعى يندۋسترييالىق-يننوۆاتسييالىق دامۋ باعدارلاماسىنىڭ ارقاسىندا ٶندٸرٸس اياسى كەڭەيٸپ, فابريكامىز «قازاقتىڭ تٶل ٶنٸمٸ» دەپ ماقتانۋعا تۇراتىن تٷرلٸ كٸلەمدەر توقيدى. جەتٸستٸگٸ دە جەتەرلٸك. بٷگٸندە ٶنەركەسٸپ ورنىندا كٸلەمنٸڭ جٷزدەن استام تٷرٸ شىعادى. سول ٷشٸن جاستارعا كەسٸبٸن اشۋدان قورىقپاستان, كەسٸپكەرلٸكتٸ ٷيرەنۋگە شاقىرار ەدٸم», - دەدٸ جەرگٸلٸكتٸ كٸلەم فابريكاسىنىڭ قۇرىلتايشىسى قارلىعاش ەۋەزحانقىزى.
جالپى, كٸتاپحاناداعى كەزدەسۋدٸڭ جاستار ٷشٸن پايداسى كٶپ بولدى. جينالعاندار كەسٸپكەرلٸك جٶنٸندە كٶپ ماعلۇماتتار الىپ, وي تٷيٸندەدٸ.
