سۋرەت اشىق دەرەككٶزدەن الىندى
مەجٸلٸستە ٶتكەن ٷكٸمەت ساعاتىندا عىلىم جەنە جوعارى بٸلٸم مينيسترٸ ساياسات نۇربەك جاستاردىڭ عىلىمعا نەگە از باراتىنىن تٷسٸندٸردٸ, دەپ حابارلايدى Sputnik قازاقستان.
عىلىم مينيسترلٸگٸ جاس عالىمدارعا قاتىستى ٷلكەن تالداۋ جٷرگٸزگەن.
"بٸز نەگە PhD عىلىمي دەرەجەسٸنە گرانتتار بەرٸپ جاتىرمىز? جاستار PhD-دٸ قورعاي الماي كەتەدٸ نەمەسە PhD دەرەجەسٸن قورعاپ, جوعارى وقۋ ورىندارىنا نە عىلىمي زەرتتەۋ ينستۋتتارىنا بارمايدى نەمەسە وندا 1-2 جىل عانا جۇمىس ٸستەپ, كەتٸپ قالادى. جاستار عىلىمعا از كەلەدٸ. وسى مەسەلەنٸ زەرتتەگەندە شەكتەۋلەر بارىنا كٶزٸمٸز جەتتٸ", - دەدٸ نۇربەك مەجٸلٸستە عىلىم تاقىرىبىنا ارنالعان ٷكٸمەت ساعاتىندا.
مينيستردٸڭ ايتۋىنشا, سول شەكتەۋلەردٸڭ بٸرٸ – PhD دەرەجەسٸن قورعاۋ ٷشٸن حالىقارالىق بەدەلدٸ جۋرنالدارعا ماقالا جارييالاۋ كەرەك. ەكٸنشٸدەن, جاس عالىم PhD قورعاپ, جوعارى وقۋ ورنىنا كەلگەندە ول وقىعان 4 جىل ەسەپتەلمەيدٸ.
"ول اعا وقىتۋشى, پروفەسسور, قاۋىمداستىرىلعان پروفەسسور (دوتسەنت) لاۋازىمىنا كونكۋرسقا تاپسىرا المايدى. سوندىقتان ولار قينالادى, جالاقى دا از. كٷندەلٸكتٸ ٶمٸردەگٸ مەسەلەلەر باستالادى. وسىلايشا, ولار عىلىمنان كەتٸپ قالادى", - دەيدٸ نۇربەك.
وسىعان بايلانىستى مينيسترلٸك 2021 جىلى قابىلدانعان زاڭنىڭ اياسىندا جاس عالىمدارعا گرانتتار بەرە باستادى.
"بۇل – جاس عالىمداردى اياعىنان تۇرعىزاتىن شارا. مۇندا 3 جىلدىق باعدارلاماعا, ياعني وسى گرانت اياسىندا 500 مىڭ تەڭگە ايلىق كٶزدەلگەن. وعان 2013 جىلدان باستاپ PhD عىلىمي دەرەجەسٸن قورعاعاندار قاتىسا الادى. سوڭعى ەكٸ جىلدا 3 كونكۋرس جارييالادىق. نەتيجەسٸندە 881 عىلىمي جوبا قاتىسىپ, جاس عالىمدارىمىز گرانت ۇتىپ الدى", - دەيدٸ ۆەدومستۆو باسشىسى.
ساياسات نۇربەكتٸڭ ايتۋىنشا, مينيسترلٸكتٸڭ ماقساتى – جىل سايىن وسى جوبا اياسىندا مىڭعا جۋىق گرانت بەرٸپ, جاس عالىمدارعا قولداۋ كٶرسەتۋ.
