ەلٸمٸزدە العاش رەت قوعامنىڭ ەلسٸز توپتارىن جۇمىسقا تارتۋ ماقساتىندا جاستار كورپۋسىن دامىتۋ جوباسى جٷزەگە اسىرىلىپ جاتىر, دەپ حابارلايدى ۇلت.كز تٸلشٸسٸ.
مەسەلەن, وڭتٷستٸك قازاقستان وبلىسى كەنتاۋ قالاسىنىڭ ٶرەندەرٸ «ZHASPROJECT»-كە قاتىسىپ, 18 جوبانى ۇتىپ العان. ال, وسى باعىتتا كەسٸبٸن باستاعاندارعا گرانت بٶلٸنٸپ, شەكٸرتاقى تٶلەنەدٸ.
جەرگٸلٸكتٸ جاستار ورتالىعىنداعى قىز-جٸگٸتتەر شەتٸنەن تالاپتى. ەرقايسىسى – بٸر-بٸر جوبانىڭ اۆتورى. بٷگٸندە توپقا بٸرٸگٸپ, جۇمىس ٸستەپ جاتىر. ايدانا جوراەۆا ەسٸمدٸ جاس تالاپ زاعيپ جاندار ٷشٸن اۋديو-جۋرنال شىعارۋدى قولعا العان. مىسالى, «ەلەمدٸ سەزٸنۋ» دەپ اتالاتىن جوبانىڭ بۇرىن-سوڭدى ەلٸمٸزدە بالاماسى بولماعان.
"بٸز زاعيپ جاندارعا ارنالعان اۋديو-جۋرنالدار شىعارۋدامىز. بٸزدٸڭ ديسكٸلەرٸمٸز ەرلەرگە, نەزٸك جاندىلارعا جەنە بالالارعا ارنالعان بولىپ بٶلٸنەدٸ. قازٸر بارلىق مەلٸمەتتەردٸ دايىنداپ, باسۋعا دايىندالۋدامىز", - دەيدٸ «ەلەمدٸ سەزٸنۋ» جوباسىنىڭ اۆتورى ايدانا جوراەۆا.
كٶزٸ ناشار كٶرەتٸن ازاماتتار اۋديو جۋرنالعا قانداي مەلٸمەت كەرەكتٸگٸن ٶزدەرٸ ۇسىنىپتى. ال جوبا اۆتورى بولسا, ٶنٸمٸن باستاپقى 5 اي تەگٸن تاراتپاق. سەبەبٸ «ZHASPROJECT» شارتى سولاي. مۇنداعى مٷمكٸندٸگٸ شەكتەۋلٸ جانداردىڭ ٶمٸرگە تالپىنىسىن, ولاردىڭ بالالارعا ارناپ جاساعان ۇلتتىق ناقىشتاعى سٶمكەلەرٸنەن, ادامنىڭ وي ٶرٸسٸن دامىتۋعا ارنالعان بوياماقتارى جەنە كٸتاپشالار دايىنداۋىنان اڭعارۋعا بولادى.
"مۇنداعى ماقساتىمىز – جاستاردى قولداپ, قۋاتتاۋ. ەلەۋەتٸن ارتتىرۋ. ٶز كەسٸبٸن اشۋعا مٷمكٸندٸك بەرۋ. كەنتاۋ قالاسى وسىعان قاتىستى 18 جوبانى ۇتىپ الدى. وبلىس بويىنشا العاشقى ورىننىڭ قاتارىندا", - كەنتاۋ قالالىق جاستار ورتالىعىنىڭ باسشىسى قانات بەكمەتوۆ.
كەنتاۋ شاھارىندا قۇس فەرماسى نەكەن-ساياق. ال جاس كەسٸپكەر سۇلتان ازات وسى ولقىلىقتىڭ ورنىن تولتىرۋعا كٸرٸسٸپ كەتكەن. جوباعا قاتىسقان ول 1 ميلليون تەڭگە ۇتىپ الىپ, شاعىن قۇس ٶسٸرۋ كەسٸپورنىن اشادى. ونىڭ قوراسىندا قازٸر 100 تاۋىق بار. جۇمىرتقاسىن از قامتىلعان وتباسىلارعا تەگٸن تاراتادى.
" «ZHASPROJECT» جوباسى – بولاشاق جاستارعا دەگەن ٶمٸرگە قادام. قۇداي قالاسا, ٷلكەن فەرما اشىپ, كەنتاۋدى جۇمىرتقامەن قامتاماسىز ەتەم دەگەن ويدامىن", - دەيدٸ قۇس فەرماسى جوباسىنىڭ اۆتورى سۇلتان ازات.
بٸرلٸگٸ جاراسقان ٸسكەر جاستاردىڭ ۇرانى بٸر. ول - «ارماندا! ۇسىن! ٸسكە اسىر!».
