جات دٸندٸ قولداۋشىلار اراسىندا جاسٶسٸپٸرٸمدەر جيٸ كەزدەسەدٸ. بۇل - ٷلكەن مەسەلە. بالالاردىڭ دەل وسى جولدى تاڭداۋىنا ەڭ الدىمەن ورتاسى جەنە ەلەۋمەتتٸك جەلٸدەگٸ تٷرلٸ سايتتار سەبەپ بولىپ وتىر, دەپ حابارلايدى قازاقپارات تٸلشٸسٸ.
قازٸر ينتەرنەت زامانى. ەلەۋمەتتٸك جەلٸنٸڭ دەۋٸرٸ جٷرٸپ تۇرعان كەزەڭ. جات اعىمدى قولدايتىنداردىڭ ٷگٸت-ناسيحاتىن ٷنەمٸ باقىلاۋدا ۇستاۋ مٷمكٸن ەمەس. سانانى ۋلايتىن, تەرٸس پيعىلدى ادامداردىڭ ارباۋىنا وقۋشىلار دا تٷسٸپ جاتىر. بولاشاعىنا بالتا شاپقالى تۇرعان بالالارمەن ماماندار جۇمىس ٸستەپ كەلەدٸ.
«بالالاردى تەرٸس جولعا ٷگٸتتەيتٸن - ەلەۋمەتتٸك جەلٸ. بالالار تٷرلٸ سايتتارعا كٸرەدٸ, وقيدى, بالاسىنىڭ نە وقىپ جاتقانىن اتا-اناسى دا بٸلمەيدٸ. مىسال رەتٸندە ايتايىن, رەسەيدٸڭ مەسكەۋ مەملەكەتتٸك ۋنيۆەرسيتەتٸندە وقىعان, وزات ستۋدەنت ۆارۆارا كاراۋلوۆا دەگەن قىز بولدى. ونىڭ اتا-اناسى دا, ٶزٸ دە مۇسىلمان ەمەس. بٸراق, سول ۆارۆارا سيريياعا كەتٸپ قالدى. بۇل وقيعا رەسسەيدە ٷلكەن رەزونانس تۋعىزدى. ەكەسٸ ەرەڭ دەگەندە قايتاردى. سول قىز ٶتكەندە جازاسىن ٶتەپ شىقتى. قازٸر 19 جاستا. مۇنداي جاعدايلار بٸزدە دە بار», - دەيدٸ بەلگٸلٸ يسلامتانۋشى اسقار سابدين.
الماتى قالالىق قوعامدىق دامۋ باسقارماسى تەرٸس اعىمداعى ازاماتارمەن وڭالتۋ جۇمىستارىن جٷرگٸزۋ ماقساتىندا تٷرلٸ شارالار ۇيىمداستىرۋدى قولعا الدى. بۇعان تەك تەولوگتار عانا ىقپال ەتە المايدى. سوندىقتان, ارنايى مامانداردى تارتۋ كٶزدەلگەن. پسيحولوگ, پەداگوگ, اتا-انا, قۇقىق قورعاۋ ورگاندارى تٷگەلدەي اتسالىسىپ جاتىر. دٸني تۇرعىدان جٷرگٸزٸلگەن وڭالتۋ جۇمىسىنىڭ ىقپالى - 20%.
«مەن سٶيلەسەتٸن ادامداردىڭ ٸشٸندە مەكتەپ وقۋشىلارى مەن جاسٶسٸپٸرٸمدەر بار. ولاردىڭ باسىم بٶلٸگٸ - سول جات اعىمدا جٷرگەن اتا-انالاردىڭ بالالارى. بٸراق مەن ونداي بالالارمەن تەك اتا-انالارىنىڭ رۇقساتىمەن عانا سٶيلەسە الامىن. جەكە ٶزٸم ولاردى سٶزگە تارتا المايمىن. سەبەبٸ, قۇقىعىم جوق. اتا-اناسى بٸزگە ٶتٸنٸش جاساسا عانا بارامىز», - دەيدٸ تەولوگ اسقار سابدين.
قازاقستانداعى ەڭ جاس تەرروريست سۇلتان قابيەۆ بولاتىن. 17 جاستاعى جٸگٸت 2016 جىلى 5 ماۋسىم كٷنٸ اقتٶبەدە ورىن العان تەراكتٸدە كٶز جۇمدى. ونىڭ بويىنداعى ەكسترەميستتٸك كٶزقاراس بالا كٷنٸنەن قالىپتاسقان دەيدٸ مامان.
«2012 جىلى سۇلتاننىڭ ەجەسٸ اقتٶبە ەكٸمدٸگٸنە كەلٸپ, كٶمەك سۇرادى. مەنٸڭ بالام ٷيدە دە, مەكتەپتە دە جوق, تاۋىپ بەرٸڭٸزدەر دەدٸ. بٸر اپتادان كەيٸن وقۋشى تابىلدى. بازاردا تەلەفون جٶندەيتٸن جٸگٸتتٸڭ جانىندا بولعان. كەيٸن ٷيٸنە اپارا جاتقاندا جولدا «نەگە ٷيدەن قاشتىڭ?» دەپ سۇرادىق. «مەنٸڭ اتا-انام اللاعا سەرٸك قوسادى, قايتىس بولعان اتا-بابالارىنا قۇران باعىشتايدى, سوندىقتان مەن ولارمەن تۇرمايمىن» دەپ جىلادى ول. بٸز بالاعا قۇران باعىشتاۋدىڭ ەشقانداي كٷنە ەمەستٸگٸن, كەرٸسٸنشە ساۋاپ ەكەنٸن تٷسٸندٸردٸك. بٸراق قانشالىقتى تٷسٸندٸ, بٸلمەيمٸن. نەگٸزٸ, اعاسى دا سوتتالعان تەرروريزم بويىنشا. كەيٸن مەن «ارۋاققا قۇران باعىشتاۋ» دەگەن كٸتاپ جازدىم. ونى جازۋىما دەل وسى سۇلتان تٷرتكٸ بولدى», - دەيدٸ اسقار سابدين.
ساراپشى, يسلامتانۋشى, تەولوگتاردىڭ ايتۋىنشا, بالالارعا ەڭ الدىمەن اتا-انا جاۋاپتى. جاسٶسٸپٸرٸمدٸك شاق - ەڭ قاۋٸپتٸ كەزەڭ. دەل وسى ۋاقىتتا اباي بولعان جٶن. بالالاردىڭ ساناسىن ۋلاۋعا, دٸني اعىمداردىڭ جەتەگٸنە كەتۋٸنە جول بەرٸلمەۋٸ كەرەك. بۇل - قوعام, ۇلت, مەملەكەت, وتباسى الدىنداعى پارىز دەپ تٷسٸنۋ قاجەت.
