قازاقستاندىق دياس باحريددين بۋەنوس-ايرەستەگٸ جاسٶسپٸرٸمدەر وليمپياداسىندا كانوە ەسۋدەن چەمپيون اتاندى, - دەپ حابارلايدى Olympic.kz.
ٸرٸكتەۋ كەزەڭٸندە دياس مەرەگە ەكٸنشٸ بولىپ كەلسە, شيرەك فينالدا ۋكراينالىق سپورتشىنى ارتتا قالدىردى.
جارتىلاي فينالدا ول ماجارستاندىق بالازا پاللادان وزدى. پاللانىڭ ۋاقىت كٶرسەتكٸشٸ - 1:57.04, دياستىڭ نەتيجەسٸ - 1:54.66.
فينالدا ول ٶزبەك سپورتشىسى يسلومجون ابدۋسلوموۆپەن التىنعا تالاسقان بولاتىن. تارتىستى ٶتكەن جارىستا دياس 1:54.66 ۋاقىت كٶرسەتكٸشٸمەن مەرەگە بٸرٸنشٸ بولىپ كەلدٸ. ابدۋسالوموۆتىڭ ۋاقىت كٶرسەتكٸشٸ - 1:55.17.
«ٶزدەرٸڭٸز كٶرگەندەي جارىس ٶتە قيىن بولدى. دەگەنمەن جەڭٸسكە جەتتٸك. فينالدا بار كٷشٸمدٸ جيناپ, جەڭٸسكە جەتۋگە تىرىستىم. ٶزبەكستاندىق قارسىلاسىم مىقتى سپورتشى. تالاي بەسەكەلەردە جارىسىپ جٷرمٸز. بٷگٸنگٸ تاڭدا جاسٶسپٸرٸمدەر اراسىنداعى وليمپيادا ويىندارىنداعى مەدالٸم سپورتتىق مانسابىمداعى باستى جەتٸستٸگٸم. ەل قورجىنىنا مەدال سالعانىم ٷشٸن ٶتە قۋانىشتىمىن», - دەدٸ كانوە ەسۋدەن جاسٶسپٸرٸمدەر وليمپياداسىنىڭ جەڭٸمپازى دياس باحريددين.
