جامبىل وبلىسىنىڭ بايزاق اۋدانىنداعى جارىلىس سالدارىنان زارداپ شەككەن 28 ناۋقاس تاراز قالاسىنداعى اۋرۋحانادا ەم الىپ جاتىر. ٸشٸندە تٶرتەۋٸنٸڭ جاعدايى ورتاشا اۋىر, دەپ حابارلايدى قازاقپارات.
بۇل تۋرالى وبلىس ەكٸمٸ بەردٸبەك ساپارباەۆ باق ٶكٸلدەرٸنە بەرگەن سۇحباتىندا ايتقان.
«قازٸرگٸ تاڭدا تاراز قالالىق ورتالىق اۋرۋحانادا 28 ناۋقاس ەمدەلٸپ جاتىر. ونىڭ تٶرتەۋٸنٸڭ جاعدايى ورتاشا اۋىر. ولارعا قاجەتتٸ بارلىق مەديتسينالىق كٶمەك كٶرسەتٸلۋدە. ٶمٸرٸنە ەشقانداي قاۋٸپ تٶنٸپ تۇرعان جوق. دەرٸ-دەرمەك پەن دەرٸگەرلەر جەتكٸلٸكتٸ. جالپى, مەديتسينالىق كٶمەككە جٷگٸنگەن تٷرلٸ دەڭگەيدە جاراقات العان 98 ادامنىڭ ٸشٸندە قاراپايىم تۇرعىندار جوق. بارلىعى - ەسكەريلەر مەن تٶتەنشە جاعداي سالاسىنىڭ قىزمەتكەرلەرٸ», - دەدٸ ايماق باسشىسى.
سونداي-اق, ول حابارسىز كەتكەن ەسكەريلەر مەن قۇتقارۋشىلاردىڭ اتا-انالارىمەن, تۋعان-تۋىسقاندارىمەن كەزدەسٸپ, ٸزدەۋ جۇمىستارى قالاي جٷرٸپ جاتقانىن ايتتى.
«ٸزدەۋ جۇمىستارىنا ەسكەريلەر, تجد ماماندارى, كينولوگتار, تيٸستٸ ماماندار, قىزمەتتٸك يتتەر, اتتى ادامدار جۇمىلدىرىلعان. ارنايى درون قۇرىلعىسىنىڭ مٷمكٸندٸگٸ دە بارىنشا پايدالانىلۋدا. قازٸرگٸ تاڭدا 180 ادام, 40 شاقتى تەحنيكا جۇمىس ٸستەۋدە», - دەپ جازادى وبلىس ەكٸمٸنٸڭ باسپاسٶز قىزمەتٸ.
بەردٸبەك ساپارابەۆتىڭ ايتۋىنشا, وقيعا جاقىن جەردەگٸ تەمٸرجولدار مەن اۆتوجولدار قالىپتى رەجيمدە جۇمىس ٸستەي باستاعان. تۇرعىنداردىڭ بەرٸ ٷيلەرٸنە ورالعان. تەك باسپاناسى كٷردەلٸ جٶندەۋدەن ٶتەتٸن قاينار اۋىلىنىڭ تۇرعىندارى عانا ۋاقىتشا باسپانامەن, ازىق-تٷلٸكپەن قامتاماسىز ەتٸلگەن.
سونداي-اق, وبلىس ەكٸمٸ جارىلىستان بٷلٸنگەن ٷيلەردٸڭ بەرٸ 2 ايدا قالپىنا كەلتٸرٸلەتٸنٸن ايتتى.
جٶندەۋدٸ قاجەت ەتەدٸ دەلٸنگەن 106 ٷيدٸڭ 35-ٸنە كٷردەلٸ جٶندەۋ تاعايىندالىپ وتىر. وبلىستىق جەدەل شتاب قالعان 71 ٷيدٸ جەڭٸل زاقىمدالدى دەپ تانىعان.
«ولار دا قالپىنا كەلتٸرٸلەدٸ. بارلىق جۇمىستارعا ٷكٸمەت تاراپىنان قارالاتىن جەنە جەرگٸلٸكتٸ بيۋدجەتتەن قوسىمشا بٶلٸنەتٸن قاراجات جۇمسالادى. ٶڭٸردەگٸ دەمەۋشٸلەر دە قارجىلاي كٶمەك كٶرسەتەدٸ. بٷگٸن بٸر ٷيدٸڭ كٷردەلٸ جٶندەۋ جۇمىستارى باستالدى.قالعان ٷيلەردە قۇرىلىسشىلار ەرتەڭنەن باستاپ ٸسكە كٸرٸسەدٸ. ەكٸ ايدىڭ ٸشٸندە بارلىق ٷيلەردٸ قالپىنا كەلتٸرەمٸز دەپ ٶزٸمٸزگە مٸندەتتەمە الىپ وتىرمىز. وعان بٸزدٸڭ مٷمكٸندٸگٸمٸز دە, قۇرىلىسشىلار كٷشٸ دە جەتكٸلٸكتٸ», - دەدٸ وبلىس ەكٸمٸ.
