الماتى وبلىسىنىڭ پانفيلوۆ اۋدانىنداعى دالا ٶرتٸنە بايلانىستى قىلمىستىق ٸس قوزعالدى. ەستەرٸڭٸزگە سالا كەتەيٸك, قىزىل جالىندى ٶشٸرٸپ جٷرٸپ ٷش ادام قازا تاپقان بولاتىن, دەپ حابارلايدى قازاقپارات.
«كەشە ٶرتتٸڭ جانىنان ٷلكەن قازانشۇڭقىر قازىلىپ, ٶسەك ٶزەنٸنەن سۋ الىنعان بولاتىن. سول قازانشۇڭقىردىڭ ارقاسىندا ٶرتتٸ اۋىزدىقتاۋ مٷمكٸن بولدى. بٷگٸنگٸ تاڭدا ٶرتتٸڭ ارى قاراي جايىلۋ قاۋپٸ جوق. قۇتقارۋشىلاردىڭ سٶزٸنشە, ٶرت اقىرىنداپ تٷنگە دەيٸن ٶزٸ سٶنۋٸ كەرەك. وسى وقيعاعا بايلانىستى قىلمىستىق كودەكستٸڭ 292-بابى 3-تارماعى بويىنشا ٸس قوزعالدى», - دەدٸ الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەل.
پانفيلوۆ اۋدانى ەكٸمٸنٸڭ ورىنباسارى شۋحرات قۇربانوۆتىڭ ايتۋىنشا, ٶرتەنٸپ جاتقان جەر جاركەنت قالاسىنان 50 شاقىرىم جەردە تاۋلى ايماقتا ورنالاسقان. ول ماڭعا اتپەن, كٶلٸكپەن جەتۋ قيىن. بٸراق مەملەكەتتٸك قىزمەتكەر ٶرتتٸڭ اۋىل ايماقتارىنا تارالۋ قاۋپٸ جوق دەپ سەندٸردٸ. ەستەرٸڭٸزگە سالا كەتەيٸك, 5 تامىز كٷنٸ پانفيلوۆ اۋدانىندا دالا ٶرتٸن ٶشٸرەمٸن دەپ قازا تاپقان ٷش ادامنىڭ ەكەۋٸ جەرلەندٸ. بٷگٸن ورمانشى بولىپ جۇمىس ٸستەگەن 32 جاستاعى ەركٸنبەك وسپانوۆتى جاقىندارى سوڭعى ساپارعا شىعارىپ سالدى.
بۇعان دەيٸن, ٶرتتەن ٷش ادامنىڭ قازا تاۋىپ, 7 ادامنىڭ زارداپ شەككەنٸن حابارلاعان بولاتىنبىز. الماتى وبلىسى ەكٸمٸنٸڭ باسپاسٶز حاتشىسى عالىمۇرات جٷكەلدٸڭ مەلٸمەتٸنشە, مارقۇم بولعان ٷش ازامات مەملەكەتتٸك ناگراداعا ۇسىنىلادى.
پانفيلوۆ اۋدانىندا دالا ٶرتٸن ٶشٸرمەك بولىپ, جان تاپسىرعان قانات ٷسەنبەكوۆ پەن ەركٸنبەك وسپانوۆتىڭ ەرقايسىسىندا بەس بالادان بولعان.
