جاپپاي تەرتٸپسٸزدٸك كەزٸندە قىلمىسكەرلەر 18 جاستاعى قارۋسىز ساربازدى كٶپٸردەن لاقتىرىپ جٸبەرۋگە دەيٸن بارعان. بۇل تۋرالى ورتالىق كوممۋنيكاتسييالار قىزمەتٸندە قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«باس پروكۋراتۋرا قاڭتار وقيعاسىنىڭ سەبەپتەرٸ مەن مەن-جايلارىن انىقتاۋ بويىنشا جۇمىستى جالعاستىرىپ كەلەدٸ. كٷن سايىن قىلمىستىق قۋدالاۋ ورگاندارى بولعان وقيعانىڭ جاڭا كٶرٸنٸستەرٸن انىقتاپ جاتىر. بٷگٸندە ازاماتتار باستاپقىدا بەيبٸت ميتينگٸگە بارعانىن, سودان كەيٸن بۇل باستامانى قىلمىستىق جەنە دەسترۋكتيۆتٸ كٷشتەر ۇستاپ, قيراتۋ مەن تەرتٸپسٸزدٸكتەردٸ ۇيىمداستىرىپ, مەملەكەتتٸك بيلٸكتٸ باسىپ الۋ ماقساتىندا لاڭكەستٸك اكتٸلەرٸن جاساعانىن كٶرٸپ وتىرمىز. قىلمىسكەرلەر مەملەكەتتٸك ورگانداردىڭ نىساندارىنا ارنايى شابۋىلدار جاساپ, تٷرلٸ ايماقتاردا تەرتٸپسٸزدٸككە جول بەردٸ. وسىلايشا, ولار قوسىمشا قۇقىق قورعاۋ كٷشتەرٸنٸڭ كەلۋٸنە جول بەرمەۋگە تىرىستى. وعان اتىراۋ وبلىسىنداعى جاعداي مىسال بولا الادى», - دەدٸ قيلىمجانوۆ.
ونىڭ ايتۋىنشا, سىرتتان قاۋٸپسٸزدٸك كٷشتەرٸنٸڭ كەلۋٸ ولاردىڭ جوسپارلارىنا كەدەرگٸ كەلتٸرۋٸ مٷمكٸن دەپ قورقىپ, قىلمىسكەرلەر تەمٸرجولداردى جاۋىپ, ٷش جولاۋشى جەنە بەس جٷك پويىزىنىڭ قوزعالىسىن توقتاتتى.
«ەرٸ قاراي, ولار پوليتسييا مەن ۇلتتىق ۇلان ساربازدارىنا شابۋىل جاساپ, نىسانداردى قيراتىپ, ٶرت شىعاردى. مىسالى, 18 جاستاعى قارۋسىز مەرزٸمدٸ ەسكەري قىزمەتتە جٷرگەن ساربازدى ورتالىق كٶپٸردەن لاقتىرىپ جٸبەرۋگە دەيٸن بارعان. ابىروي بولعاندا, ول تٸرٸ قالدى», - دەدٸ باس پروكۋراتۋرا ٶكٸلٸ.
