فوتو: depositphotos.com
جاپپاي نارازىلىقتان كەيٸن رەسەيلٸك ەنشٸ پولينا گاگارينانىڭ كونتسەرتٸنە بيلەتتەر ساتىلىمى ٶشتٸ, دەپ حابارلايدى Ult.kz.
Zakazbiletov.kz ەلەۋمەتتٸك جەلٸلەردەگٸ نارازىلىقتاردان كەيٸن پولينا گاگارينانىڭ استاناداعى كونتسەرتٸنە بيلەتتەر ساتۋدى توقتاتقان كٶرٸنەدٸ.
ايتا كەتەيٸك, نارازىلىق بٸلدٸرۋشٸلەر بۇل كونتسەرتتٸڭ ٶتۋٸنە قارسى پەتيتسييا ٶتكٸزگەن بولاتىن.
ادامداردىڭ نارازىلىق بٸلدٸرۋٸنٸڭ باستى سەبەبٸ پولينا گاگارينا قوعامدا "Z ەنشٸلەر" قاتارىنا كٸرەدٸ دەپ ەسەپتەلەدٸ. سەبەبٸ 2022 جىلى ەنشٸ "لۋجنيكيدە" "Zا مير بەز ناتسيزما" ميتينگٸسٸندە سٶز سٶيلەپ, ۋكرايناداعى سوعىستى اشىق قولدادى.
"قازاقستان ٶزارا سىيلاستىققا نەگٸزدەلگەن مەدەنيەتتٸ دامىتۋدى جاقتايتىنىن, ال قىزمەتٸ ساياساتتاندىرىلعان دەپ قابىلداناتىن ورىنداۋشىلاردى شاقىرۋ ازاماتتاردىڭ مەدەني ٸس-شارالاردى ۇيىمداستىرۋشىلارعا دەگەن سەنٸمٸنە نۇقسان كەلتٸرەدٸ", - دەپ جازادى پەتيتسييا اۆتورلارى.
كونتسەرت بيلەتٸن ساتۋ تۋرالى اقپارات جويىلعانىمەن, كونتسەرت ٶتە مە, جوق پا ەكەنٸ تۋرالى رەسمي راستاۋ ەلٸ شىققان جوق.
