جوعارعى سوتتىڭ باسپاسٶز قىزمەتٸنٸڭ جەتەكشٸسٸ ايدوس سەدۋاقاسوۆ جاپپاي تەرتٸپسٸزدٸك كەزٸندە قانشا ادامعا سوت ٷكٸمٸمەن جازا تاعايىندالعانىن ايتتى, دەپ حابارلايدى قازاقپارات.
«تٶتەنشە جاعدايعا قاراماستان رەسپۋبليكاداعى بارلىق سوتتار قوعامدىق تۇراقتىلىقتى قالپىنا كەلتٸرۋگە ٷلەس قوسۋدا. قازاقستان رەسپۋبليكاسى سوتتارىنىڭ 2022 جىلدىڭ باسىنان باستاپ بەيبٸت شەرۋلەر مەن تج رەجيمٸ تۋرالى زاڭنامانى بۇزۋمەن بايلانىستى ەكٸمشٸلٸك قۇقىق بۇزۋشىلىق تۋرالى قاراعان ٸستەرٸنٸڭ قىسقاشا ستاتيستيكاسىنا توقتالىپ ٶتەيٸن» دەپ جازدى ايدوس سەدۋاقاسوۆ Facebook پاراقشاسىندا.
ونىڭ ايتۋىنشا, بارلىعى 7085 ماتەريال قارالدى. 2947 قاماۋ, 2621 - ەسكەرتۋ, 1483 ادامعا ايىپپۇل تٷرٸندەگٸ ەكٸمشٸلٸك جازا تاعايىندالعان.
ۇساق بۇزاقىلىق ٷشٸن (ەقبتك-نٸڭ 434-بابى) 8 ادام, تج رەجيمٸن بۇزعانى ٷشٸن (ەقبتك-نەڭ 476-بابى) - 5168 ادام, لاڭكەستٸككە قارسى وپەراتسييالار ٶتكٸزۋ ايماعىنداعى قۇقىقتىق رەجيمدٸ بۇزعانى ٷشٸن (ەقبتك-نٸڭ 478-بابى) - 140 ادام, بەيبٸت جيىنداردى ۇيىمداستىرۋ مەن ٶتكٸزۋ تەرتٸبٸ تۋرالى زاڭدى بۇزعانى ٷشٸن (ەقبتك-نٸڭ 488-بابى) - 1757 ادام, قۇقىق قورعاۋ جەنە ارنايى مەملەكەتتٸك ورگان قىزمەتكەرٸنٸڭ (ەسكەري قىزمەتشٸنٸڭ) زاڭدى تالابىنا باعىنباعانى ٷشٸن (ەقبتك-نٸڭ 667-بابى) - 8 ادام, سوت اكتٸسٸن ورىنداماعانى ٷشٸن (ەقبتك-نٸڭ 669-بابى) - 1 ادام, قورعاۋعا الىنعان نىساندارعا زاڭسىز كٸرگەنٸ ٷشٸن (ەقبتك-نٸڭ 506-بابى) - 2 ادام, جاسٶسپٸرٸمدەردٸڭ زاڭدى ٶكٸلٸنسٸز تٷنگٸ ۋاقىتتا ويىن-ساۋىق مەكەمەلەرٸندە نەمەسە ٷيٸنەن تىس جەردە جٷرگەنٸ ٷشٸن (ەقبتك-نٸڭ 442-بابى) - 1 ادام جاۋاپقا تارتىلدى.
