Joǵarǵy sottyń baspasóz qyzmetiniń jetekshisi Aidos Sádýaqasov jappai tártipsizdik kezinde qansha adamǵa sot úkimimen jaza taǵaiyndalǵanyn aitty, dep habarlaidy QazAqparat.
«Tótenshe jaǵdaiǵa qaramastan respýblikadaǵy barlyq sottar qoǵamdyq turaqtylyqty qalpyna keltirýge úles qosýda. Qazaqstan Respýblikasy sottarynyń 2022 jyldyń basynan bastap beibit sherýler men TJ rejimi týraly zańnamany buzýmen bailanysty ákimshilik quqyq buzýshylyq týraly qaraǵan isteriniń qysqasha statistikasyna toqtalyp óteiin» dep jazdy Aidos Sádýaqasov Facebook paraqshasynda.
Onyń aitýynsha, barlyǵy 7085 material qaraldy. 2947 qamaý, 2621 - eskertý, 1483 adamǵa aiyppul túrindegi ákimshilik jaza taǵaiyndalǵan.
Usaq buzaqylyq úshin (ÁQBtK-niń 434-baby) 8 adam, TJ rejimin buzǵany úshin (ÁQBtK-náń 476-baby) - 5168 adam, lańkestikke qarsy operatsiialar ótkizý aimaǵyndaǵy quqyqtyq rejimdi buzǵany úshin (ÁQBtK-niń 478-baby) - 140 adam, beibit jiyndardy uiymdastyrý men ótkizý tártibi týraly zańdy buzǵany úshin (ÁQBtK-niń 488-baby) - 1757 adam, quqyq qorǵaý jáne arnaiy memlekettik organ qyzmetkeriniń (áskeri qyzmetshiniń) zańdy talabyna baǵynbaǵany úshin (ÁQBtK-niń 667-baby) - 8 adam, sot aktisin oryndamaǵany úshin (ÁQBtK-niń 669-baby) - 1 adam, qorǵaýǵa alynǵan nysandarǵa zańsyz kirgeni úshin (ÁQBtK-niń 506-baby) - 2 adam, jasóspirimderdiń zańdy ókilinsiz túngi ýaqytta oiyn-saýyq mekemelerinde nemese úiinen tys jerde júrgeni úshin (ÁQBtK-niń 442-baby) - 1 adam jaýapqa tartyldy.
