قاڭتار وقيعاسىنا قاتىستى تەرگەلٸپ جاتقان ٸستٸڭ باسىم بٶلٸگٸ توناۋ مەن ۇرلىققا قاتىستى. بۇل تۋرالى ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
«لاڭكەستٸك اكتٸلەر مەن جاپپاي تەرتٸپسٸزدٸك سەبەپتەرٸ مەن ولاردى ۇيىمداستىرعان تۇلعالاردى انىقتاۋ بويىنشا تەرگەۋدٸ ارناۋلى پروكۋرورلار جەتەكشٸلٸك ەتەتٸن ۆەدومستۆوارالىق جەدەل-تەرگەۋ توپتارى جٷزەگە اسىرادى. ٶز كەزەگٸندە, ٸشكٸ ٸستەر ورگاندارى جاپپاي تەرتٸپسٸزدٸك اياسىندا جاسالعان باسقا دا قىلمىستار بويىنشا تەرگەۋدٸ جالعاستىرىپ جاتىر», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
سانجار ەدٸلوۆتٸڭ اتاپ ٶتۋٸنشە, قازٸرگٸ ۋاقىتتا ٸشكٸ ٸستەر ورگاندارى تەرگەۋشٸلەرٸنٸڭ ٸس جٷرگٸزۋٸندە 2 285 قىلمىستىق ٸس بار.
«ونىڭ نەگٸزگٸ بٶلٸگٸ - ۇرلىق پەن توناۋ. بۇل - 1 674 ٸس نەمەسە جالپى تٸركەلگەندەردٸڭ جالپى سانىنىڭ 73 پايىزىن قۇرايدى», - دەدٸ دەپارتامەنت باستىعى.
