سەيسەنبٸ, 24 تامىز كٷنٸ اشىلاتىن پاراليمپيادا ويىندارى قارساڭىندا جاپونييادا كوروناۆيرۋس ٸندەتٸ ٶرشٸپ, كٷندەلٸكتٸ تٸركەلەتٸن ناۋقاس سانى رەكورد جاڭارتىپ جاتىر.
سەنبٸ, 21 تامىز كٷنٸ ەلدە ٷشٸنشٸ كٷن قاتارىنان 25 مىڭنان استام ناۋقاس تٸركەلدٸ. بٸر توكيونىڭ ٶزٸندە بەس مىڭنان استام ادامنان كوروناۆيرۋس انىقتالدى.
وليمپيادا ويىندارىنداعىداي, مۇندا دا قاتاڭ كارانتين شارالارى ساقتالماق.
پاراليمپيدا كوميتەتٸنٸڭ جەتەكشٸسٸ ەندريۋ پارسونس جارىستىڭ مٷگەدەك ازاماتتار ٷشٸن ماڭىزدى ەكەنٸن اتاپ ٶتٸپ, قاتىسۋشىلاردى توقمەيٸلسٸمەۋگە شاقىردى.
"سٸرە, جارىس ورىندارىندا كٶرەرمەننٸڭ بولماۋى قيىن بولايىن دەپ تۇر. بٸراق بٸز تەلەديدار ارقىلى تٶرت ميللياردتان استام ادامدى قامتيمىز" دەدٸ پارسونس.
جەرگٸلٸكتٸ بيلٸك قاتاڭ كارانتين شارالارىن ۇستانا وتىرىپ ويىنداردى قاۋٸپسٸز جاعدايدا ٶتكٸزۋگە بولادى دەيدٸ.
قاتىسۋشىلار پاراليمپيادا اۋىلىنا جارىستىڭ الدىندا عانا كٸرٸپ, اياقتالعان سوڭ 48 ساعات ٸشٸندە شىعىپ كەتۋٸ تيٸس.
ولاردان كٷن سايىن اناليز الىنادى, جٷرٸپ-تۇرۋى شەكتەلەدٸ.
مۇنىڭ بەرٸ پاراليمپيادا ويىندارىنىڭ كوروناۆيرۋس ٸندەتٸنٸڭ وشاعىنا اينالدىرماۋ ٷشٸن قاجەت.
1 شٸلدە مەن 22 تامىز ارالىعىندا وليمپيادا ويىندارىنا قاتىسى بار 552 ادامنىڭ پتر تەستٸ وڭ نەتيجە كٶرسەتكەن. ولاردىڭ كٶبٸ وليمپيادا كوميتەتٸ جالداعان جاپون ازاماتتارى. وسى كٷنگە دەيٸن كوروناۆيرۋس پاراوليمپيادا ويىندارىنا قاتىسى بار دەگەن 138 ادامنان انىقتالدى, ولاردىڭ دا كٶبٸ جاپوندار.
بٸراق وليمپيادا كوميتەتٸ ٸندەتتٸڭ تاراۋى مەن ويىنداردىڭ اراسىندا تٸكەلەي سەبەپ-سالدارلىق بايلانىس جوق, ەلدە ٸندەت ونسىز دا ٶرشي باستاعان دەيدٸ.
جارىس 22 سپورت تٷرٸنەن ٶتەدٸ. سپورتشىلار مٷگەدەكتٸگٸنٸڭ سيپاتىنا قاراي توپ-توپقا بٶلٸنٸپ جارىسادى. بادمينتون مەن تحەكۆوندو العاش رەت قوسىلىپ وتىر.
قازاقستان پاراليمپياداعا جەتٸ سپورت تٷرٸنەن 25 اتلەت جٸبەرمەك.
