جاپونييا ٷكٸمەتٸ تولىق قۇرامدا وستاۆكاعا كەتتٸ, دەپ حابارلايدى قازاقپارات Kyodo اگەنتتٸگٸنە سٸلتەمە جاساپ.
اگەنتتٸكتٸڭ دەرەگٸنشە, قىركٷيەك ايىنىڭ باسىندا شتات باسشىسى يوشيحيدە سۋگا پارتييا باسشىسى لاۋازىمىنا ٶزٸن ۇسىنبايتىنىن مەلٸمدەگەن, بۇل شىن مەنٸندە ونىڭ پرەمەر-مينيستر قىزمەتٸنەن كەتۋٸن بٸلدٸردٸ. 2012-2017 جىلدارى سيندزو ابە ٷكٸمەتٸندە سىرتقى ٸستەر مينيسترٸ بولعان فۋميو كيشيدا ٶتكەن سەرسەنبٸدە پارتييالىق سايلاۋدا جەڭٸسكە جەتتٸ.
دٷيسەنبٸ, 4 قازاندا جاپونييا پارلامەنتٸنٸڭ ەكٸ پالاتاسى دا پرەمەر-مينيستردٸڭ كانديداتۋراسىنا داۋىس بەرەدٸ, سودان كەيٸن ول ٶز مينيسترلەر كابينەتٸن تاعايىندايدى. پرەمەر-مينيستر پارتييالار ۇسىنعان كانديداتتاردىڭ كٶپشٸلٸك داۋىسىمەن سايلانادى. ەدەتتە, بۇل پارتييالاردىڭ كٶشباسشىلارى. وسىلايشا, پارلامەنتتەگٸ كٶپ ورىنعا يە پارتييانىڭ باسشىسى پرەمەر–مينيستر بولادى. ياعني سايلاۋدا جەڭٸسكە جەتكەن ليبەرال-دەموكراتييالىق پارتيياسىنىڭ كٶشباسشىسى فۋميو كيشيدا جاپونييانىڭ 100-شٸ پرەمەر-مينيسترٸ اتانادى.
ول دٷيسەنبٸدە رەسمي تٷردە مينيسترلەر كابينەتٸن قۇرۋعا نيەتتٸ. مينيسترلٸككە كانديداتتاردى ٸرٸكتەۋ دەمالىس كٷندەرٸ اياقتالدى. حيروكازۋ ماتسۋنو ٷكٸمەتتٸڭ باس حاتشىسى بولماق. بۇرىنعى ٷكٸمەتتەن ٷش ادام جاڭا كابينەتكە اۋىسادى: سىرتقى ٸستەر مينيسترٸ توشيميتسۋ موتەگي مەن قورعانىس مينيسترٸ نوبۋو كيشي ٶز قىزمەتتەرٸن ساقتاپ قالادى, ال عىلىم جەنە بٸلٸم مينيسترلٸگٸن باسقارعان كويچي حاگيۋدا ەكونوميكا, ساۋدا جەنە ٶنەركەسٸپ مينيسترلٸگٸن باسقارادى.
