جاپونييا ٶز حالقىن كوروناۆيرۋسقا قارسى قايتا ەگۋدٸ بيىلعى جەلتوقساندا باستاماق. بۇل تۋرالى قازاقستاندا COVID-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram-كانالىندا ايتىلدى, دەپ حابارلايدى قازاقپارات.
ەۋروپادا COVID-19-دىڭ تارالۋى بولگارييا بيلٸگٸنٸڭ جاڭا سانكتسييالار ەنگٸزۋ تۋرالى شەشٸمٸنە ەسەر ەتتٸ. بٸردەن ەلدٸڭ بٸرنەشە ايماعىندا كوروناۆيرۋس پاندەميياسىنا بايلانىستى جاڭا شەكتەۋلەر كٷشٸنە ەندٸ. ۆيدين جەنە پەرنيك قالالارىندا سپورت زالدارى مەن ويىن-ساۋىق ورىندارى جابىق, ۋنيۆەرسيتەتتەر مەن كوللەدجدەردەگٸ ساباقتار قىسقارتىلعان فورماتتا ٶتەدٸ. سليۆەن مەن قالا ماڭىندا مۋزىكا مەكتەپتەرٸ, بالالار مەن جاسٶسپٸرٸمدەر شىعارماشىلىق ورتالىقتارى, تەاترلار, كينوتەاترلار جەنە بٸرنەشە ٸرٸ سۋپەرماركەتتەر جۇمىس ٸستەمەيدٸ. مەيرامحانالار مەن كافەلەر ساعات 22.00-گە دەيٸن قىزمەت كٶرسەتەدٸ. قازٸرگٸ ۋاقىتتا بولگارييادا COVID-19-بەن اۋىراتىن ازاماتتاردىڭ سانى 521 مىڭنان استى, 21 656 ناۋقاس قايتىس بولدى.
جاپونييا پرەمەر-مينيسترٸ فۋميو كيسيدا پارلامەنتتەگٸ پلەنارلىق وتىرىستا ازاماتتاردى COVID-19-عا قارسى ەگۋدٸڭ ٷشٸنشٸ مەرزٸمٸ ٶزگەرگەنٸن ايتتى. بۇعان دەيٸن ۆاكتسينانىڭ ٷشٸنشٸ دوزاسىن كەلەسٸ جىلدىڭ باسىندا ەگە باستاۋ جوسپارلانعان بولاتىن. بٸراق ۆيرۋستىڭ تارالۋى يممۋنداۋدى جەلتوقسانعا اۋىستىردى. «بٸز ٷشٸنشٸ دوزامەن ۆاكتسيناتسييانى جەلتوقساننان باستاپ ەرتەرەك باستاۋعا دايىندالىپ جاتىرمىز», - دەدٸ كيسيدا. بٸرٸنشٸ كەزەكتە, ەگدە جاستاعى ازاماتتار مەن جۇقتىرۋ قاۋپٸ جوعارى توپتاعى ادامدار ەگٸلەتٸن بولادى.
