Japoniia óz halqyn koronavirýsqa qarsy qaita egýdi biylǵy jeltoqsanda bastamaq. Bul týraly Qazaqstanda COVID-19 taralýyna jol bermeý jónindegi vedomstvoaralyq komissiianyń Telegram-kanalynda aityldy, dep habarlaidy QazAqparat.
Eýropada COVID-19-dyń taralýy Bolgariia biliginiń jańa sanktsiialar engizý týraly sheshimine áser etti. Birden eldiń birneshe aimaǵynda koronavirýs pandemiiasyna bailanysty jańa shekteýler kúshine endi. Vidin jáne Pernik qalalarynda sport zaldary men oiyn-saýyq oryndary jabyq, ýniversitetter men kolledjderdegi sabaqtar qysqartylǵan formatta ótedi. Sliven men qala mańynda mýzyka mektepteri, balalar men jasóspirimder shyǵarmashylyq ortalyqtary, teatrlar, kinoteatrlar jáne birneshe iri sýpermarketter jumys istemeidi. Meiramhanalar men kafeler saǵat 22.00-ge deiin qyzmet kórsetedi. Qazirgi ýaqytta Bolgariiada COVID-19-ben aýyratyn azamattardyń sany 521 myńnan asty, 21 656 naýqas qaitys boldy.
Japoniia Premer-ministri Fýmio Kisida Parlamenttegi plenarlyq otyrysta azamattardy COVID-19-ǵa qarsy egýdiń úshinshi merzimi ózgergenin aitty. Buǵan deiin vaktsinanyń úshinshi dozasyn kelesi jyldyń basynda ege bastaý josparlanǵan bolatyn. Biraq virýstyń taralýy immýndaýdy jeltoqsanǵa aýystyrdy. «Biz úshinshi dozamen vaktsinatsiiany jeltoqsannan bastap erterek bastaýǵa daiyndalyp jatyrmyz», - dedi Kisida. Birinshi kezekte, egde jastaǵy azamattar men juqtyrý qaýpi joǵary toptaǵy adamdar egiletin bolady.
