قازاقستاننىڭ جەتەكشٸ ينفەكتسيونيست دەرٸگەرٸ, مەديتسينا عىلىمدارىنىڭ دوكتورى ديناگٷل باەشەۆا كوروناۆيرۋس ينفەكتسيياسىنا قارسى تەستٸلەۋدٸ ورنىقتى جٷرگٸزۋدٸ ۇسىندى, دەپ حابارلايدى قازاقپارات.
«ەلٸمٸزدە اۋىرعان ادامدار سانى, ەسٸرەسە, سيمپتومسىز ناۋقاستار سانى ٶسە باستادى. وعان تج رەجيمٸنٸڭ الىنۋى, كارانتيندٸ جەڭٸلدەتۋ سەبەپ بولدى. ٶزٸمٸز دە ەپيدەميياعا قارسى شارتتاردى قولدانباي كەتتٸك. سوندىقتان قازٸر ۆيرۋس جۇقتىرعاندار سانى ٶسٸپ بارادى. بٸراق, وعان ەش قورقىنىش, دٷربەلەڭ بولماۋى كەرەك. سەبەبٸ, 100 ادام اۋىرسا, ونىڭ 80 پايىزى جەڭٸل نەمەسە سيمپتومسىز تٷردە ٶتەدٸ. ال 15 پايىزى ورتاشا جەنە اۋىر, 5 پايىزى – اسا اۋىر تٷردە تٷسەدٸ», - دەدٸ مامان فەيسبۋك جەلٸسٸندە ٶتكەن ونلاين سۇحباتتا.
ونىڭ ايتۋىنشا, اۋرۋ سانى ٶسە تٷسكەننٸڭ ٶزٸندە دە سيمپتومى جوق ادامدار قورىقپاۋى كەرەك. شامامەن 7 كٷندە اۋرۋ بەسەڭدەيدٸ, سودان كەيٸن تاعى 7 كٷن ٷيدە جاتىپ, ساۋىعىپ شىعۋ كەرەك.
«ناۋقاستاردىڭ 70 پايىزى تەستٸلەۋ ارقاسىندا تابىلدى. مۇندا پتر تەستٸلەۋدٸ دە دۇرىس جٷرگٸزۋ كەرەك. مىسالى, ٷلكەن كومپانييادا قارىم-قاتىناستا بولعان قىزمەتكەرلەرٸنە تەست جٷرگٸزٸلەدٸ. ال جاي ادامداردىڭ بەتالدى تەستتەن ٶتۋٸ دۇرىس ەمەس. ۋاقىت پەن اقشانى جۇمساپ, تەست تاپسىراسىز. ودان كەيٸن تاسىمالداۋشىمەن كەزدەسٸپ, اۋرۋ جۇقتىرىپ, پتر نەتيجەم تەرٸس ەدٸ عوي دەپ, اۋرۋعا مەن بەرمەيسٸز. سوندىقتان جاپاتارماعاي پتر تاپسىرماي تۇرىپ, دەرٸگەرمەن اقىلداسۋ كەرەك», - دەدٸ د. باەشەۆا.
قازٸر جاز مەزگٸلٸندە سۋىق سۋ ٸشەتٸندەر كٶپ, اۋا باپتاعىشتان دا سالقىن تيەدٸ. سودان سۋىق تييۋٸ دە مٷمكٸن.
«ەرينە, دەنە قىزۋى, جٶتەل بايقالىپ, تۋىستارىڭىز كۆي-مەن ەمحانادا جاتسا, كوروناۆيرۋس تۋرالى ويلانۋعا بولادى. مۇندا جەدەل جەردەمگە نەمەسە تٸركەلگەن ەمحاناداعى دەرٸگەرگە حابارلاسىپ, اقىلداسۋىڭىز كەرەك. بٸزدٸ ەمدەڭٸز دەپ, 80 پايىز جەڭٸل تٷردە ٶتەتٸن ناۋقاستار ەمحاناعا جاتىپ الساق, اۋىر تٷردە ٶتەتٸن ناۋقاستار شەتتە قالىپ قويادى. سوندىقتان, دٷرلٸكپەۋ كەرەك», - دەدٸ ديناگٷل باەشەۆا.
