فوتو: Azattyq.org
قىرعىزستان پرەزيدەنتٸ سادىر جاپاروۆ مەملەكەتتٸك "كابار" اقپارات اگەنتتٸگٸنە بەرگەن سۇحباتىندا قىرعىزستاننىڭ بۇرىنعى پرەزيدەنتتەرٸمەن دۋبايدا كەزدەسكەنٸ تۋرالى ايتتى, دەپ حابارلايدى ازاتتىق.
ونىڭ سٶزٸنشە, دۋبايدا كەزدەسۋ ۇيىمداستىراردان بۇرىن بٸشكەكتە المازبەك اتامباەۆ پەن سوورونباي جەەنبەكوۆ سٶيلەسكەن. جاپاروۆ ولار "بٸر-بٸرٸن كەشٸرٸپ, تاتۋلاستى" دەيدٸ.
"ودان كەيٸن دۋبايدا كەزدەسۋ ۇيىمداستىرىلدى. ەرقايسىسىمەن جەكە سٶيلەسٸپ, دۋبايعا شاقىردىم. بٸراق ولارعا ٶزگە دە بۇرىنعى پرەزيدەنتتەر كەلەتٸنٸن ايتقان جوقپىز. ول راس. ٶيتپەسەك, كەيبٸرٸ كەلمەي قالۋى مٷمكٸن ەدٸ. كەزدەسۋ كەزٸندە ولاردىڭ ەشبٸرٸنە قارجى نەمەسە ساياسي تۇرعىدان قارىزدار ەمەس ەكەنٸمدٸ, پرەزيدەنت بولعانىما ەشبٸرٸنٸڭ قاتىسى جوق ەكەنٸن ايتتىم. كەزدەسۋدٸڭ باستى ماقساتى – كەلٸسٸمگە كەلۋ. ليدەرلەر كەلٸسٸمگە كەلمەسە, ولاردى قولداۋشىلارمەن كەلٸسٸمگە كەلۋ قيىن. سول سەبەپتٸ ولار ٶز جاقتاستارىن تاتۋلىققا, بٸرلٸككە شاقىرعانى جٶن" دەدٸ جاپاروۆ.
ونىڭ سٶزٸنشە, بۇرىنعى پرەزيدەنتتەر بۇل باستامانى قولداعان. كەزدەسۋ تٶرت ساعاتقا جالعاسقان.
قىرعىزستان پرەزيدەنتٸ سىرتتاي سوتتالعان, قىرعىزستانعا كەلسە, قاماۋعا الىنۋعا تيٸس قۇرمانبەك بەكيەۆ تۋرالى سۇراققا دا جاۋاپ بەرگەن.
جاپاروۆتىڭ سٶزٸنشە, كەزدەسۋ كەزٸندە ول قىرعىز باس پروكۋراتۋراسى 13 جىل ٸشٸندە بەلارۋسقا بەكيەۆتٸ ەكستراديتسييالاۋ تۋرالى تٶرت رەت سۇراۋ سالعانىمەن نەتيجە شىقپاعانىن ايتقان.
"كونستيتۋتسييانىڭ 66-بابى بويىنشا, پرەزيدەنت حالىق پەن مەملەكەتتٸك بيلٸكتٸڭ بٸرلٸگٸن قامتاماسىز ەتۋٸ قاجەت. مٸندەتٸمدٸ اتقاردىم. جاۋاپقا تارتۋ مەسەلەسٸنە كەلەتٸن بولساق, ەربٸر ادام ٶز كٸنەسٸ ٷشٸن قۇدايدىڭ الدىندا, تاريح پەن زاڭ الدىندا جاۋاپ بەرەدٸ. كٶپ ادام كەزدەسۋدٸڭ ماقساتى بەكيەۆتٸ ەلگە قايتارۋ دەپ ويلاپ وتىر. قايتارعىمىز كەلسە دۋبايعا ەمەس, بٸشكەككە شاقىرار ەدٸك. بەكيەۆتەن ٶزگەلەردٸڭ بەرٸ بٸشكەككە كەلە الادى. يە, بەكيەۆ جٶنٸندە سوت شەشٸمٸ بار. ەگەر بٸشكەككە كەلسە, قاماۋعا الىنار ەدٸ. بٸز زاڭعا باعىنۋىمىز كەرەك" دەدٸ جاپاروۆ.
ول سۇحباتىنىڭ قورىتىندى بٶلٸمٸندە مۇنداي كەزدەسۋلەر جالعاساتىنىن جەنە بارلىق ساياساتكەردٸ بٸتٸستٸرۋگە دايىن ەكەنٸن ايتقان.
18 اقپاندا قىرعىزستان پرەزيدەنتٸ سادىر جاپاروۆ Facebook-تەگٸ پاراقشاسىندا بۇرىنعى پرەزيدەنتتەرمەن كەزدەسكەنٸن, ولار بٸر-بٸرٸن كەشٸرگەنٸن حابارلاعان.
كەيٸنٸرەك قىرعىزستاننىڭ بۇرىنعى پرەزيدەنتٸ المازبەك اتامباەۆ بۇل كەزدەسۋ تۋرالى پٸكٸرٸن ايتىپ, "ەلدە بەيبٸتشٸلٸك پەن تاتۋلىق ورناتۋ مەن بەكيەۆتەردٸ قىرعىزستانعا ورالتۋ – ەكەۋٸ ەكٸ بٶلەك نەرسە" دەگەن ەدٸ. ال اسقار اقاەۆ سۇحباتىندا سادىر جاپاروۆتىڭ باستاماسىن قولدايتىنىن ايتقان.
بۇرىنعى پرەزيدەنتتەردٸڭ بۇلايشا باس قوسۋى ورتالىق ازيياداعى بۇرىنعى سوۆەت رەسپۋبليكالارىندا العاش رەت بولىپ وتىر. قىرعىزستان پرەزيدەنتتەرٸنٸڭ كٶپشٸلٸگٸ جاپپاي قارسىلىق اكتسييالارىنان كەيٸن قىزمەتٸنەن كەتٸپ, ولارعا قاتىستى قىلمىستىق ٸس قوزعالعان.
اسقار اقاەۆ 1991-2005 جىلدارى, قۇرمانبەك بەكيەۆ 2005-2010 جىلدارى, روزا وتۋنباەۆا 2010-2011 جىلدارى, المازبەك اتامباەۆ 2011-2017 جىلدارى, سوورونباي جەەنبەكوۆ 2017-2020 جىلدارى قىرعىزستان پرەزيدەنتٸ بولعان.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
