وقيعا كۋەگەرٸ رۋسلاننىڭ ايتۋىنشا, پريمورسكيي اۋدانى تۇسىنان ٶتٸپ بارا جاتقاندا تٷتٸن شىعىپ جاتقان اۆتوبۋستى كٶرٸپ, بٸردەن سوعان قاراي جٷگٸرگەن.
"اۆتوبۋسقا قاراي جٷگٸرگەنٸمدە, كاپوتتىڭ الدىڭعى جاعى ٶرتەنٸپ جاتتى. كٶلٸكتە بالالار بولدى. قانشا ەكەنٸن ناقتى ايتا المايمىن, بٸراق اۆتوبۋستىڭ ارتىندا بالا تولىپ وتىردى. ادامدار جٷگٸرٸپ كەلٸپ, بالالاردى شىعارۋعا كٶمەكتەستٸ. بالالاردى بٸر-بٸرٸمٸزگە بەرٸپ تۇردىق. ولار قورقىپ قالدى. سوڭعى بالانى شىعارعاندا اۆتوبۋس تٷگەل وتقا وراندى", - دەدٸ تٶتەنشە جاعداي كۋەگەرٸ رۋسلان.
ەكٸنشٸ كۋەگەر دە ٶرتەنگەن اۆتوبۋستا بالالار بولعانىن ايتتى.
"30-عا جۋىق بالا بولدى, ولاردى تەز ارادا باسقا اۆتوبۋسقا وتىرعىزىپ, الىپ كەتتٸ. سودان كەيٸن اتا-انالار كەلٸپ جىلاپ, ايقاي-شۋ باستالىپ كەتتٸ. ولار بالالارىن باسقا اۆتوبۋسقا وتىرعىزعانىن بٸلمەگەن شىعار", - دەدٸ ەكٸنشٸ كۋەگەر.
اۆتوبۋستا جولاۋشىلار, ونىڭ ٸشٸندە بالالار قايتىس بولعانى تۋرالى اقپارات Instagram جەلٸسٸندەگٸ اقتاۋ-پاراقشاسىندا جوققا شىعارىلدى.
"پاز-320530 ماركالى جولاۋشى اۆتوبۋسى جول بويىندا تولىق جانىپ كەتتٸ, ٶرتسٶندٸرۋشٸلەر كەلگەن كەزدە اۆتوبۋستا جولاۋشىلار بولعان جوق. زارداپ شەككەندەر جوق. ٶرت 17:43-تە سٶندٸرٸلگەن. ونىڭ سەبەبٸ انىقتالىپ جاتىر", - دەلٸنگەن حابارلامادا.
Lada باسىلىمىنىڭ رەداكتسيياسى ٶرتەنگەن اۆتوبۋس مەكتەپكە تيەسٸلٸ مە, جوق پا دەگەن سۇراققا جاۋاپ كٷتٸپ وتىر.
