قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ جانۋارلارعا قاتٸگەزدٸكپەن قاراعاندارعا قانداي جازا قولدانىلاتىندىعىن ايتتى, دەپ حابارلايدى قازاقپارات.
مينيستر سەناتتىڭ جالپى وتىرىسىندا «جانۋارلارعا جاۋاپكەرشٸلٸكپەن قاراۋ تۋرالى» زاڭ جوباسىمەن قالىپتاسقان يدەولوگييانى ٸسكە اسىرۋ, ونىڭ ٸشٸندە جانۋارلارعا قاتىگەزدٸكپەن قاراعانى ٷشٸن الدىن الۋ جەنە وبەكتيۆتٸ جازالاۋدى جٷزەگە اسىرۋ ماقساتىندا قۇقىق بۇزۋشىلىقتىڭ جاڭا قۇرامىن ەنگٸزۋ كٶزدەلەتٸندٸگٸن اتاپ ٶتتٸ. ونىڭ ايتۋىنشا, ەكٸمشٸلٸك قۇقىق بۇزۋشىلىق كودەكسٸنٸڭ 407-1-بابىنا سەيكەس, جانۋارلارعا قاتىگەزدٸكپەن قاراعانى ٷشٸن جەكە تۇلعالارعا 5, لاۋازىمدى تۇلعالارعا 10 ايلىق ەسەپتٸك كٶرسەتكٸش مٶلشەرٸندە ايىپپۇل سالىنادى. بۇزۋشىلىق قايتالاناتىن جاعدايدا جەكە تۇلعالارعا 20 ايلىق ەسەپتٸك كٶرسەتكٸش, ال لاۋازىمدى تۇلعالارعا 40 ايلىق ەسەپتٸك كٶرسەتكٸش مٶلشەرٸندە ايىپپۇل قاراستىرىلعان.
«ەكٸمشٸلٸك قۇقىق بۇزۋشىلىق كودەكسٸنٸڭ 407-2-بابىمەن قازاقستان رەسپۋبليكاسىنىڭ جانۋارلارعا جاۋاپكەرشٸلٸكپەن قاراۋ سالاسىنداعى زاڭناماسى بويىنشا جانۋارلاردى اۋلاۋ, ۋاقىتشا ۇستاۋ جەنە جانسىزداندىرۋ; ٷي جانۋارلارىن ەسەپكە الۋ; جانۋارلاردى زوولوگييالىق پيتومنيكتەردە, جانۋارلار پانالارىندا, زوولوگييالىق قوناق ٷيلەردە, جانۋارلاردى ۋاقىتشا ۇستاۋ ورتالىقتارىندا, جانۋارلاردى ساۋىقتىرۋ ورتالىقتارىندا ۇستاۋ; ٷي جانۋارلارىن ۇستاۋ جەنە سەرۋەندەۋ; جانۋارلاردى تاسىمالداۋعا قويىلاتىن تالاپتاردى بۇزعان جاعدايدا جەكە تۇلعالارعا - 10, لاۋازىمدى تۇلعالارعا - 20, زاڭدى تۇلعالارعا 30 ايلىق ەسەپتٸك كٶرسەتكٸش ايىپپۇل سالىنادى. بۇزۋشىلىق قايتالاناتىن جاعدايدا جەكە تۇلعالارعا - 20, لاۋازىمدى تۇلعالارعا - 30, ال زاڭدى تۇلعاعا 40 ايلىق ەسەپتٸك كٶرسەتكٸش ايىپپۇل قاراستىرىلعان», - دەدٸ سەرٸكقالي برەكەشەۆ.
