QR Ekologiia, geologiia jáne tabiǵi resýrstar ministri Serikqali Brekeshev janýarlarǵa qatigezdikpen qaraǵandarǵa qandai jaza qoldanylatyndyǵyn aitty, dep habarlaidy QazAqparat.
Ministr Senattyń jalpy otyrysynda «Janýarlarǵa jaýapkershilikpen qaraý týraly» Zań jobasymen qalyptasqan ideologiiany iske asyrý, onyń ishinde janýarlarǵa qatygezdikpen qaraǵany úshin aldyn alý jáne obektivti jazalaýdy júzege asyrý maqsatynda quqyq buzýshylyqtyń jańa quramyn engizý kózdeletindigin atap ótti. Onyń aitýynsha, Ákimshilik quqyq buzýshylyq kodeksiniń 407-1-babyna sáikes, janýarlarǵa qatygezdikpen qaraǵany úshin jeke tulǵalarǵa 5, laýazymdy tulǵalarǵa 10 ailyq eseptik kórsetkish mólsherinde aiyppul salynady. Buzýshylyq qaitalanatyn jaǵdaida jeke tulǵalarǵa 20 ailyq eseptik kórsetkish, al laýazymdy tulǵalarǵa 40 ailyq eseptik kórsetkish mólsherinde aiyppul qarastyrylǵan.
«Ákimshilik quqyq buzýshylyq kodeksiniń 407-2-babymen Qazaqstan Respýblikasynyń janýarlarǵa jaýapkershilikpen qaraý salasyndaǵy zańnamasy boiynsha janýarlardy aýlaý, ýaqytsha ustaý jáne jansyzdandyrý; úi janýarlaryn esepke alý; janýarlardy zoologiialyq pitomnikterde, janýarlar panalarynda, zoologiialyq qonaq úilerde, janýarlardy ýaqytsha ustaý ortalyqtarynda, janýarlardy saýyqtyrý ortalyqtarynda ustaý; úi janýarlaryn ustaý jáne serýendeý; janýarlardy tasymaldaýǵa qoiylatyn talaptardy buzǵan jaǵdaida jeke tulǵalarǵa - 10, laýazymdy tulǵalarǵa - 20, zańdy tulǵalarǵa 30 ailyq eseptik kórsetkish aiyppul salynady. Buzýshylyq qaitalanatyn jaǵdaida jeke tulǵalarǵa - 20, laýazymdy tulǵalarǵa - 30, al zańdy tulǵaǵa 40 ailyq eseptik kórsetkish aiyppul qarastyrylǵan», - dedi Serikqali Brekeshev.
