فوتو: ©ريا نوۆوستي
قىرعىزستان پرەزيدەنتٸ سادىر جاپاروۆ رەسەيدٸڭ ۋليانوۆسك وبلىسىندا جول اپاتى سالدارىنان وتانداستارىنىڭ قازا بولۋىنا بايلانىستى حالىققا ٷندەۋ جاسادى. ٷندەۋ مەتٸنٸ پرەزيدەنت سايتىندا جارييالانعان, - دەپ حابارلايدى Tengrinews.kz.
جاپاروۆ رەسەي فەدەراتسيياسىنىڭ ۋليانوۆسك وبلىسىندا بولعان وقيعا ەربٸر قىرعىزستاندىقتى ەلەڭ ەتكٸزگەنٸن, ورنى تولماس قازا بارشانىڭ جٷرەگٸنە قاياۋ سالعانىن ايتتى.
"وتانداستارىمىزدىڭ جول-كٶلٸك وقيعاسىنا ۇشىراعانى تۋرالى حاباردى ٷلكەن قايعىمەن قابىلدادىق.
قازا بولعانداردىڭ تۋىستارىنىڭ قايعىسىن تٷسٸنەمٸن جەنە بٶلٸسۋگە دايارمىن, ولارعا قازٸر ٶتە قيىن. مۇنداي جاعدايلاردا جاناشىر سٶزدەردٸ ايتۋ قيىن. سوعان قاراماستان, اپات سالدارىنان قازا بولعانداردىڭ تۋىستارى مەن جاقىندارىنا كٶڭٸل ايتامىن", - دەدٸ قىرعىزستان پرەزيدەنتٸ.
ونىڭ ايتۋىنشا, اپاتتان قازا تاپقاندار مەن زارداپ شەككەندەردٸڭ تۋىستارى مەن جاقىندارىنا كٶمەك كٶرسەتٸلەدٸ. جاپاروۆ بۇل مەسەلە ٶزٸنٸڭ جەكە باقىلاۋىندا بولاتىنىن قاداپ ايتتى.
"قۇرمەتتٸ وتانداستار, بۇل قايعىلى وقيعا بارشا حالىق ٷشٸن ٷلكەن قايعى, وسىعان بايلانىستى 23 تامىزدى قىرعىزستان رەسپۋبليكاسى اۋماعىندا جالپىۇلتتىق ازا تۇتۋ كٷنٸ دەپ جارييالايمىن", - دەپ تٷيٸندەدٸ سٶزٸن سادىر جاپاروۆ.
رەسەيدٸڭ ۋليانوۆسك وبلىسىندا بولعان جول-كٶلٸك وقيعاسىندا 16 ادام قازا تاپتى, ونىڭ 14-ٸ قىرعىزستان ازاماتتارى. ٷش قىرعىزستاندىق امان قالعان. ولاردىڭ جاعدايى اۋىر دەپ باعالانىپ وتىر, دەپ جازادى 24.kg.
شاعىن اۆتوبۋس ەكٸ جٷك كٶلٸگٸ اراسىندا قىسىلىپ قالعان. ادام ٶلٸمٸنە سەبەپكەر بولعان جٷك كٶلٸگٸنٸڭ جٷرگٸزۋشٸسٸ دە قازا بولعان.
